تحت البلاطة … بقلم / كامل بدرخان
تحت البلاطة
كامل بدرخان
بعترت أوراقي على بلاط الحب
فيها مشاعر لشاعر ….. حب
لواحد ما كانش عنده قلب
ولا وفاء ولو وفاء الكلب
كتبتلك يا حبيبي (أحبك)
وماليش غِنى عن حبك
مسألتش فيا وهربت هناك
يا اللي احتار فيك شِعري وتعبت معاك
وكتبتلك (عشاق وفراق)
شكرا لك وشكرا لقلبي اللي فاق
وعاملتني في العشق زي الضفيرة
تلف وتدور وتعقدها وتكبرها وهي صَغيرة
ويقتلك الشك وتقتلك الغيرة
لا أنا نبي معصوم ولا ….. إبن المغيرة
أنا إنسان يصيب ويخطي
ولو فيه نصيب تبقى انت حظي
وكتبتلك أبياتي وشُفت خطي
كنت حياتي طب ليه ….. بتئذي؟!
المزيد من المشاركات
حبيبي هقولهالك على بلاطة
حبك حبِّيته وخبيته تحت البلاطة
وجيت انت وبمنتهى البساطة
بقلبك القاسي وبفاسك حفرت
وأخدت حبي من قلبي وكأني كفرت
وسِبتلي الذكريات شوية تراب
وشوية دموع وحبة عذاب
طب كنت تسيب يا حبيبي البلاطة
وبلاش ترميها من غير أسباب أو طلب ….. إحاطة
صدق اللي قال (عشق الخفافيش)
و دا عشق عمره قَصير ما يعيش
آسف على عمري اللي ضاع معاك بقشيش
ونكرت خيري اللي زيه مفيش
جرب كدا غيري ولو عايز تعيش معاه ….. عيش
كنت ليك حبيبك وكنت أبو الحب
دا لو كان يا حبيبي للحب أصلا ….. أب
التعليقات مغلقة.