تصريحات نادية الجندي وأنوشكا في حفل افتتاح مهرجان القاهرة للدراما
تصريحات نادية الجندي وأنوشكا في حفل افتتاح مهرجان القاهرة للدراما.
كتبت: أحلام محمود سيد
أعربت النجمة نادية الجندي عن شدة سعادتها لمشاركتها في مهرجان القاهرة للدراما، في دورته الأولى.
و صرحت من خلال لقائها مع قناة DMC، حيث تحدثت عن أهم أعمالها وما يميز مشوارها الفني، حيث قالت: “أفلامي كلها أكشن وصعبة جدًا وفيها عنف وسياسة، ودي كانت أعمال بترهقني جدًا لأنه فيها مشاعر ودراما قوية وبتاخد مني مجهود كبير جدًا وتحضير وقلق”.
وتابعت: “وحسيت إني عايزة أعمل حاجة مختلفة وعملت كوميدي في 5 باب وبونو بونو لكن في مسلسل سكر زيادة كان كوميديا اجتماعية، وكل حاجة فيها رسالة في إطار كوميدي ومعايا باقة مختلفة جدًا ومنتج كبير زي صادق الصباح لم يبخل على العمل وفكرة مأخوذ من عمل أجنبي حسيت إنه حاجة جديدة ومختلفة”.
كما أشادت نادية الجندي بمهرجان القاهرة للدراما، حيث قالت: ” ولازم الفنان يجدد ويغير، أما عن مهرجان القاهرة للدراما خطوة جميلة جدًا وهيعطي فرصة للتنافس للأعمال الهادفة وهتثري الحالة الفنية في مصر وكان لازم يكون فيه مهرجان القاهرة للدراما وفيه تنظيم كبير أوي والقائمين باذلين مجهود كبير أوي لكن الانطباعات لسه مقدرش أقول حاجة”.
و من تصريحات النجمة أنوشكا في خلال لقائها مع DMC, من حفل افتتاح مهرجان القاهرة للدراما، حيث قالت: “مهرجان القاهرة للدراما، على الأقل حاجة توازي الـ 18 ساعة اللي بنصور فيها، كان بقالنا كتير معملناش مهرجات بها ريد كاربت بالشكل ده الموضوع منظم جدًا وفي نفس الوقت حاسة إن الناس اللي بتتكرم السنة دي مش فنانيين بس، وفيه منافسة حلوة وفيه هدف”.
وتابعت: “إحنا أكيد بنشتغل علشان الجمهور، ولكن إننا ننافس بعض وشايفين شغل بعض، ودلوقتي بقينا بنحترم شغل بعض أوي، ودي من أكتر الحاجات اللي تفرح إننا نتقابل في مهرجان ونقول الكلام ده”.
كما أعربت النجمة أنوشكا عن سعادتها بدورها في مسلسل “راجعين يا هوى”، حيث قالت: ” أنا مبسوطة جدًا بالشغل مع خالد النبوي، والمخرج محمد سلامة، وفريق العمل بشكل كامل أضافوا لي، عمري ما كنت أتخيل إن يطلع مني كوميديا”.
وتابعت أنوشكا: ” وفاء عامر، كنت حابة إني أشتغل معاها، لأن كان المفروض نشتغل مع بعض ولكن متوفقناش في التوقيتات، لكن المرة دي شغل عملناه مع بعض من أول مشهد أتعرض للجمهور كل ما نمشي الناس تقول إحنا مستعدين لمسلسل إنتي ووفاء تتخانقوا مع بعض، والموضوع كان حلو والمخرج محمد سلامة أضاف ليا كتير وللمشاهد الكوميدية، وهو طلع مني جانب عمري ما تخيلت إني هقدمه”.
