نصيحة اليوم عن الاكياس البلاستك…..
اولا:
لا تستخدميها فى حفظ اى طعام لانها بتبقى عليها طبقة من اللون غير صحية على الاطعمة و علشان كدة دايما استخدمى الاكياس البيضاء فقط لعدم وجود طبقة الصبغة
ثانيا:
هتقوليلى يعنى نرميها هقولك لأ ممكن تستفادى منها فى حاجاات كتيير جدا
اولهم ممكن تستخدميها فى تغليف الطعام بعد حفظه فى اكياس بيضاء لضمان سلامتها و عدم لفت رائحة اخرى
ممكن تسخدميها فى سله المهملات لحجرة الاطفال بحيث الوانها تتناسق مع حجرة الاطفال
ممكن تاخدى معاكى واحد فى شنطة الاطفال او شنطة ايديك و خصوصا لو عندك اطفال ….ممكن لاى سبب تبقى محتاجة كيس
ممكن بقى دى حاجة انا بحب اعملها اوى
و انت فى المطبخ بتقشرى فاكهة او بتقطعى رأس بصلة او طماطماية ….بدل ما تقشريهم على الرخامة و تعدى تلمى بعد كدة و تمسحى او قدام الباسكت الكبير و احتما توقعى منك حاجة على الارض ممكن تعملى الاتى
خللى عندك طبق عميق (ممكن سلطانية بلاستك كنت ناوية ترميها او مش بتستخدميها) مش شرط تكون كبيرة و لبسيها الكيس الملون و القى فيها كل شئ غير مرغوب فييه ..قشرى البصل فوق الطبق و القى القشر مباشرا فييه او قطع الدهن من الفراخ او اللحم او رأس الطماطم او الفلفلاية و بعد ما تخلصى اسحبى الكيس و اقفلييه كويس و حطييه فى الباسكت الكبير………….
كدة وفرتى كتيير و استفدتى ان ريحة الباسكت الكبير مش وحشة علشان كل حاجة مقفولة عليها داخله و مش هتلملك حشرات
ثالثا:
طريقة تخزين الاكياس البلاستك
قرأت قبل ذلك عن طريقة حلوة اوى و هى حفظها زى شكل السمبوسك
يعنى افرديها كويس و طبقيها على تلاتة بالطول هيبقى عندك مستطيل طويل و ابدأى لفيه زي السمبوسك و كدة بقى حجمة صغير جدا ممكن تشليله فى درج صغير مش هياخد مساحة كبيرة
رابعا :
دراسات حديثة تحذر من عدم استخدام الأكياس البلاستيكية لانها مصدر للسرطان !!
حذر مختصون من استخدام أكياس البلاستيك او النايلون في نقل او حفظ الطعام والمواد الغذائية رغم سهولة الحصول عليها والاحتفاظ بها . وأرجعت الدكتورة سحر العقبي رئيس قسم علوم الأطعمة والأغذية بالمركز القومي للبحوث بالقاهرة خطورة استخدام أكياس البلاستيك يرجع للمادة الكيميائية التي تدخل في تركيبته والتي تتفاعل بالضرورة مع المواد الغذائية وتتجانس مع الطعام مما يعني ذوبان المواد الضارة في الغذاء .
