تنازلات وقبلات وأشياء أخري… أبرز تصريحات إيناس النجار
تنازلات وقبلات وأشياء أخري… أبرز تصريحات إيناس النجار
كتبت : مـنـة الله عبدالله
نري في المجتمعات الشرقية دومًا تلقى الفنانات انتقادات واسعة بسبب تقديمها مشاهد جريئة في أعمالها الدرامية، لذلك تنقسم الفنانات لقسمين في هذا لأمر، منهن من ترفض هذه المشاهد، والأخريات يلجأن للدفاع عن نفسهن أو تبرير هذه المشاهد.
أستضافت الإعلامية راغدة شلهوب، الفنانة إيناس النجار، في برنامج ” نص الكلام”، الذي يعرض كل خميس وجمعة، علي قناة النهار الساعة 10 مساء.
وعن مسلسل أحاسيس قالت :
كشفت إيناس، عن العواقب التي وجهتها عقب تقديم دورها في فيلم “أحاسيس” بسبب المشاهد الجريئة التي تضمنها الفيلم، حيث صرحت الفنانة إيناس، أن فيلم ” أحاسيس” كان مهم في مشواري الفني، ولكن على الرغم من ذلك كان له ضرر.
وأضافت أيضا : “مكنتش مقتنعه بيه من أول يوم ومضيت من غير ما اقرأ دوري”.
وكشفت : “إيناس أن بعد ما قامت بقراءة الدور رفضت أدائه، ولكنها كانت قد وقعت بالفعل”.
وتابعت إيناس: “رفضت إرتداء البكيني في الفيلم، لكنه تم التركيز عليه بشكل كبير وأصبح تريند في الفيلم بسبب اللقطات الجريئة”.
واستكملت إيناس: “استعرض عليا أدوار جريئة بعد الفيلم لكن قمت برفضها، عملت دور رقاصة في فيلم”أحاسيس”، وظابط في مسلسل كان اسمه “كان يا مكان”، كنت بصور الأتنين في نفس الوقت”.
عند سؤالها عن أصدقاء العمل قالت :
وتابعت: “علاقتي مع أصدقائي في العمل محدودة جدًا، بخلص شغلي وبروح، انا عندي اعمل اي حاجه اشتغل 24 ساعه واديلك اللي انت عايزه بس قدام ربنا لا هينفعني شهره، ولا فلوس، ولا نجومية، وأطلب مني أقدم تنازلات كتير عشان أمثل لكني رفضت وجالي فرص كتير من المشاهد الجريئة لاني بخاف من ربنا”.
وعن خناقتها مع إدوارد قالت :
وصرحت: “اتخانقت مع إدوارد، عشان باسني من نفسه ومش مكتوب في الفيلم أنه هيعمل كدة وعمل كدا بحركة عفوية وكان بيهزر، لكن الإخراج كان بيصور، والمشهد اتعرض في الفيلم وأصبحت اتعرضت لتناقد كتير”.
وأختتمت: “إيناس لو اتعرض عليا مرة أخرى مثل هذا الفيلم سأقوم بالرفض”.
عن خلافها مع مـنـة فضالي :
أيضا من أبرز تصريحاتها عن سبب خلافها مع الفنانة منة فضالي، بخصوص صور عيد ميلادها، وأن عيد الميلاد كان سهرة خاصه في مطعم، وأنها ذهبت إلي المكان وجدت صحفيين واتهمتها منة، أنها من دعتهم”.
وتابعت : “ايضا كيف أدعوهم وانا ارتدي فستان قصير مثلك، وان منذ فترة قصيرة تواصل معاها أحد وصرح لها ان والده منة فضالي، هي من تواصلت معه وليست إيناس النجار لكي يحل هذه المشكله بينهم. وان هذا العيد الميلاد منذ عشر سنوات وأكثر ولكن منه مازالت بينهم خلافات أخرى”.
وعند سؤالها عن غيابها عن السوشيال ميديا :
واختتمت: “أنها لم تتواجد على السوشيال ميديا، ولا ترغب في التعامل مع السوشيال”.
قالت إيناس عن المشكلات التي واجهتها في حياتها:
وكان أيضًا من أبرز تصريحات إيناس خلال الحلقة عن المشكلات التي تعرضت لها في حياتها، والتي أثرت عليها بشكل سلبي حيث قالت : “أول كسرة جاتلي بابا الله يرحمه كان في 2014 توفى، تاني كسرة كان بعديها بسنة أو سنة وشوية اتجوزت حد دخل قالي انا عايز اتجوزك، لكني مكنتش اعرفوا ودي كانت من أكبر غلطات حياتي”.
وعن مشكلة الطلاق تحدثت :
وتابعت : “مكنتش أعرفه غير من 3 شهور ومكنتش عارفة شخصيته ولا هو عارفني ولا أحنا حافظين بعض، واتجوزنا بعد ما اتجوزنا كتب كتاب بس كان في الجامع وعملت جواز معلن وجبت صحافة وفنانين كان كتب كتاب كبير بعد كتب الكتاب حصلت مشاكل والغلط كان منه مش مني وحصل خيانة“.
وأضافت: “في أقل من شهر وما دخلش عليا كمان يعني مفيش فرح أذاني في شغل وفي حياتي وفي نظرة المجتمع وأنا كمان ما دفعتش وما قولتش السبب الحقيقي للطلاق ففي ناس كتير أوي كانت فاهمة الموضوع غلط”.
واستكملت : “ما اتجوزناش يعتبر أصلًا عشان يخوني، يعني كتب الكتاب وعمل الإِشهار واطلقنا وهو مع اللي كان معاها من الأول طب اتجوزت ليه، مش عارفة لحد النهارده، تتجوزني وكمل معاها ما هو فاكر إن أنا هبقى مراته وهى هتبقى معرفش هو كان بيفكر في إيه أو ممكن شايف ممثلة بقى تقعد في البيت ما تفهميش هو كان دماغه فيها ايه”.
واختتمت : “أوقات بقعد أفكر بيني وبين نفسي هو في حد زقه عليا هو إيه اللي حصلي ده؟! ليه الناس تفهمني غلط ويقولوا إيناس اتجوزت فى شهر وتطلق واشاعات كتير كتير وأنا ساكتة، وجت قنوات كتير صورت معايا وأنا برضه ساكتة.. بس في الآخر هقعد ساكتة لحد أمتى، طالما حاجة ضرتني لأ الناس تفهم الأسباب الحقيقية، أنا لما حصل الموقف ده خلاني اتعطلت شوية لأن كان بيجيلي أفلام ومسلسلات وشغل كتير بس أنا نفسيًا مش مؤهلة أنا لسه خارجة من وفاة بابا وبعدين الموقف ده موقفين صعبين جدًا”.
وانتهت الحلقه بتصريح من الممثلة أن في بعض من الاسئله قد تكون حرجة بالنسبة لها، وأنها تحضر شئ من أعمالها في الفترة القادمة.
