تودو بومب مقدم من الشيف هدير دودى

كتبت إيناس حسنين

المقادير:
٢ بيضة
و ١/٢ معلقة صغيرة ڤانيليا
و١/٢ كوب زيت
و ١/٣ كوب سكر
و ١/٣ كوب لبن
و كوب دقيق
و ١/٤ كوب كاكاو غامق
و معلقة و نص صغيرة بيكنج بودر
و رشة ملح ..

الحشو و الزينة :
كريم شانتيه و شوكولاتة سايحة
عمل الكريم شانتيه : عبارة عن ٢ معلقة كبيرة كريم شانتيه بودر
٢ معلقة كبيرة سكر بودرة
١/٢ كوب لبن و يخفق مدة ٣ دقائق ويمكنك استبدال اللبن بكريمة خفق ..
الطريقة :
نضع في الخلاط البيض و الفانيليا و يخفق ثم اضافة الزيت و يخفق ثم اضافة السكر و يخفق ثم اضافة اللبن و يخفق و نحضر طبق ننخل فيه الدقيق و الكاكاو و البيكنج بودر والملح و نضيفهم للخلاط بالتدريج و نصب الخليط في صنية الكب كيك المدهونة سمنة ومرشوشة دقيق خفيف و تدخل فرن ساخن علي درجة حرارة ١٨٠ علي الشبكة في نص الفرن لمدة تلت ساعة او حتي تمام السوا و تخرج تبرد ثم تدخل تلاجة لمدة ساعة و تخرج ونقطع الجزء اللي فوق علشان هنستعمله كغطاء و نفرغها من النص بمعلقة صغيرة و نحشي الكيك كريم شانتيه او كريمة شيكولاتة و نقفله بقطعة الكيك و نصب عليه الشيكولاتة السايحة و تدخل تلاجة نص ساعة وبعدين تقدم بالهنا والشفا ..