تورتة الايس كريم مقدمة من الشيف هدير دودي
كتابة : نهي مرسي حمامة
المقادير:
كيكة شيكولاتة جاهزة
او اى مقادير كيكة معتمدة ليكى
٣علب ايس كريم فانيليا دريم
٣علب ايس كريم شيكولاتة دريم
٢كوب لبن ساقع
الطريفة:
انا استخدمت كيكة جاهزة وهى دريم بالشيكولاتة وشكلتها فى صينية متوسطة
وضربت التلات علب ايس كريم فانيليا بكوب لبن ساقع بالمضرب كويس جدا لحين مايتماسك القوام
ثم تخرج الكيكة من الفرن اتركها تهدى و انزع وشها بالسكينة واتركها على جنب حتي نحتاجه
نضع الكيكة فى صينية بتتفتح و اضع ايس كريم الفانيليا بعد ماضربته فوق الكيكة وادخلها الفريزر حوالى نص ساعة
نضرب وش الكيكة المقطوع بكوب اللبن فى الخلاط و نفضيه فى وعاء غويط ونضربه بالمضرب مع علب ايس كريم الشيكولاتة لحد مايتقل القوام
نخرج الكيكة من الفريزر ونضيف طبقة ايس كريم الشيكولاتة فوق طبقة ايس كريم الفانيليا
التزيين على حسب الرغبة
نترك التورتة فى الفريزر ليلة كاملة بعدين نخرجها نقطعها
