تورتة البلاك فورست مقدمه من الشيف المتميزه دينا عمر

تورتة البلاك فورست

المقادير
نص كيلو دقيق تورته بنى _ 10 بيضة _ فانيليا _ بدون ماء

الطريقه
اضربى كل المكونات مره واحده لحد ما تبقى كريمى وهاتى صينيه مقاس 28 وحطى ورقة زبده فى القعر وادهنى اجناب الصينيه وورقة الزبده بفرشه زيت وانزلى بالخليط ودخليه الفرن على 180 ويكون شغال من قبلها بربع ساعه وسبيها فى الفرن على الأقل نص ساعه وبعدين هدى النار شويه ربع ساعه واغرزى فيها خله ولما تطلع نظيفة تبقى كده استوت تطلعيها وتخرجيها من الصنيه على شبكه علشان ما تعجنش وتسبيها تبرد براحتها قبل ما تقطعيها 3طبقات ادهنى اول طبقة شربات خفيف وانزلى بالكريمة وافرديها وانزلى بمربى الفراوله على الكريمه وافرديها وانزلى بتانى طبقه وفرشة شربات وبعدين الكريمه ومربى الفراولة وانزلى بتالت طبقه وقفليها بالكريمة كلها من الخارج وابشرى شيكولاته والزقيها على الجناب وهاتى قمع الكريمه واعملى روزتات فوق ووزعى الكريز وحطى شيكولاته مبشوره على الوش وبالف هنا

مقادير الكريمه
ربع كيلو كريمه خام _ نص كوب سكر بودره _ كيس لبن نص لتر مثلج
اضربى كل المكونات مره واحده لحد ما تبقى كريمى