تورتة بعجينة السكر مقدمة من الشيف أم بدر وجنه

كتابة : نهي مرسي حمامة

المقادير :
نص كيلو دقيق سبونچ جاهز و كوب الا ربع ماء و ٥ بيضات و مربي مشمش و باكيت كريم شانتيه و نصف كوب صغير لبن و باكيت عصير تفاح و عجينة سكر لونها احمر و ابيض و قطع شيكولاتة و فاكهة طرية طازة او كمبوت

الطريقة :
نضرب البيض لحين ما يعلا معانا نضيف الماء وبعدين نضيف الدقيق تدريجيا لكي مايكتمش ونضرب علي اعلي سرعة ثم نضيفها لقالب الكيك القلب المدهون سمنة و رشة دقيق خفيفة و نضع القالب فرن علي درجة حرارة ١٨٠ لمدة ساعة الا ربع علي الشبكة و تخرج تبرد و تقسم نصفين و نرش عصير علي النصين و نضيف علي النص الاول مربي ثم كريم شانتيه ثم قطع شيكولاتة و قطع فاكهة طرية و نغطي الطبقة التانية بالطبقة الأولي و نكون فردنا عجينة السكر نغطي بيها الكيك و نزينها حسب الرغبة وبألف هنا وعيد حب سعيد عليكم .. ملحوظة : نضرب الكريم شانتيه باللبن بالمضرب الكهربائي علي اعلي سرعة لحد ما يعمل ذي الفوم .. وبلاش الحشو يوصل للحروف