تورتة شوكليت مقدمه من شيف سميرة سعيد

كتبت سمسمه سعد
مده التحضير ..30 دقيقه
مدة الطهى. .45 دقيقه.
المقادير

كيك الفادج

المقادير
4بيضات
كوب ونصف سكر
كوبين ونصف دقيق
3ملاعق كبار كاكاو
باكيت بيكنج بودر
رشه ملح. معلقه خل
كوب زيت
كوب نسكافيه سخن
فانيليا
الطريقه
نخلط البيض برشه الملح والفانيليا ومعلقه الخل ونخلطهم جيدا و ننزل بالسكر ونخلط لحد ما السكر يدوب ثم ننزل بالزيت ونخلط ثم النسكافيه اه وهو سخن وتخلطى ثم ننخل كل المواد الجافه ونضعها ونخلطها لحد ما الخليط يتجانس في وتحطى الخليط فى القوالب   لحد نصفها لانها حترتفع وتدخل الفرن تستوى
مقادير حشو الموس الشوكلت .
كوب موس بودر.
كوب ونصف حليب ساقع
4ملاعق سكر بودر
نخلط كله مع بعضه ونخفق بالمضرب لحد ما القوام يبقى زى الكريم شانتى .
الجناش
250 جرام شيكولاتة . 125 جرام كريمة
نسخن الكريمه على النار وننزل بالشيكولاته وتقلبى لحد ما تسيح خالص ويتجانس الخليط تمام ويبقى جناش خطير كده
نحشى الكيك بالموس ونجلسها بالكريم شانتى وبعدين نضع الجناش ونعمل اشكال عشوائية. والورد بالكريم شانتى

رئيس قسم المطبخ استاذه سمسمه سعد/أسماء عزازي