تورتة شيكولاتة مقدمه من هنا فهمي
كتبت سمسمه سعد
مدة التحضير 20 دقيقة
مدة الطهي حوالي 30 دقيقة
مقادير الكيك الاسفنجي
8 بيضات
2 كيس فانيليا
1 كوب سكر
1 كوب وربع دقيق
2 ملعقة نشا
2 ملعقة كبيرة كاكاو
1 ظرف كيك شيف
الحشو
ربع كيلو كريم شانتيه يخفق بكوباية ونصف حليب مثلج وثلاث ملاعق كبيرة كاكاو
يضرب مع بعض ويوضع في الثلاجة ممكن نزود كريمة شانتية علي خسب الرغبة
الجناش
كوب حليب علي النار
1ملعقة زبد
100 جرام شكولاته خام
3 ملعقة كبيرة كاكاو
1ملعقة كبيرة جيلاتين ندوبه في ربع كوب ماء دافي حتي يذوب تماما
نضيف الجيلاتين الي الحليب والشكولاته والكاكاو والزبد ونقلب باستمرار دقيقتين ونطفي ونتركه يبرد تماما
ملحوظة كل ما يبرد كل ما يتقل يفضل استخدامه لما يتقل شوية علشان ماينزلش من علي التورتة ومايعلقش بالكريمة لازم يتقل شوية
طريقة الكيك
1 ــ بالمضرب الكهرباء يخفق البيض والفانيليا والسكر علي سرعه عالية لمدة لا تقل عن ربع ساعه في اتجاة واحد حتي يتضاعف الحجم ويصبح كريمي
2 ــ نضع المكونات الجافه مع بعض ونقلبها وتنخل بالمنخل ونضيفها بالتدريج لخليط البيض ونقلب بمعلقة خشب بالراحه وبحرص حتي لا يخرج الهواء
3 ــ يوضع الخليط في صينية مدهونة سمن ومرشوشة دقيق وندخلها الفرن علي درجة حرارة 180 ولا نفتح الفرن قبل تلت ساعه
4 ــ وبعد النضج نتركها تبرد تمام ثم نقسم الكيك بسكين ذو سلاح طويل وممكن نسقي الطبقات سيرب خفيف او سفن اب ونضع الكريمة المخفوقة ونغلف في الاخر بكريمه ونغطيها بالجناش وتوضع بالثلاجه
ملحوظة
ــ ممكن نزين بالشيكولاتات المستوردة ودة علي حسب الرغبة
ــ لو عايزة كيك ابيض نشيل الكاكاو ونجمل بالفواكة
رئيس قسم المطبخ أ / جيهان جعفر
