تورته بلاك فورست مقدم من إسلام عصفور

كتبت دعاء صالح

مده التحضير 10دقايق

مده الطهى 45 دقيقه

المكونات

2 ونصف كوب دقيق (( نشيل 3ملاعق كبار ونضيف مكانهم 3ملاعق كبار كاكاو خام ))

نصف كوب نشا

7 حبه بيض

ملعقه صغيره فانيليا

2 ملعقه كبيره محسن كيك جيل

كوب ونصف سكر

كوب إلا ربع ماء

شكولاته خام وكريز للتزين

الطريقه

 نضرب جميع المكونات مع بعض بالمضرب الكهربائى 10 دقايق لما القوام يبقى كريمى والحجم يزيد وندهن صينيه مقاس 24 أو26 سمنه ودقيق ونغلف الجوانب بورق زبده ونفضى الخليط وندخلها الفرن يكون سخن على الرف فى النص على 180 ومنفتحش عليها غير بعد 40 دقيقه نختبرها بخله نشوفها استوت ونطفى عليها ونسيبها فى الفرن 10دقايق ونطلعها

ونتركها لتانى يوم ونقسمها ونسقى الطبقات سفن أو أى عصير ونضع كريم شانتيه بين الطبقات ونغلف التورته من بره ونبشر شكولاته خام ونوزعها على الجوانب ونعمل وردات كريم شانتيه بكيس الحلوانى ونزين بالكريز

رئيس قسم المطبخ أ / جيهان جعفر