تورته ريد فيلفيت  مقدمه من إسلام عصفور   

مده التحضير 10دقايق

مده الطهى حوالى 45 دقيقه

مده الفنش 10دقايق

المكونات

نصف كوب سمنه

نص كوب زيت  (وممكن كوب سمنه أو كوب زيت كامل )

كوب سكر

كوب حليب رايب

2كوب ونصف دقيق

2ملعقه صغيره كاكاو خام

2بيضه

2ملعقه صغيره بيكنج بودر

ربع كوب لون أحمر صحى سائل أو بودره

ملعقه صغيره خل

نصف ملعقه صغيره بيكربونات الصودا  (بيكرناتو)

ملعقه صغيره فانيليا

الكريم شانتيه

ربع كيلو كريم شانتيه خام

كوب حليب متلج

2ملعقه كبيره سكر بودره

الطريقه

بالمضرب الكهربائى نضرب الزبده والزيت والسكر على سرعه متوسطه لما الخليط يبقى أبيض نضيف بيضه ونضرب لما تختفى نضيف التانيه ونضيف الفانيليا ونضرب جيدا ونضيف الحليب الرايب ونضرب دقيقه ونضيف اللون الأحمر ونضرب جيدا لما يختلطو وممكن نتحكم فى درجه اللون زى ما تحبو

ونضع الخليط فى بوله ونكون ناخلين الدقيق مع البيكنج بودر والكاكاو 3مرات ونضيف الدقيق قليلا قليلا ونقلب لما يختفى من تحت لفوق براحه علشان الهواء ميخرجش لما نخلص الكميه

نضع الخل وبيكربونات الصودا مع بعض أول ما تفور نضفها للخليط ونقلب براحه

وندهن صينيه مقاس 24 أو26 سمنه ودقيق ونفضى الخليط وندخلها الفرن على الشبكه فى النصف على 180 ومنفتحش عليها غير بعد نصف ساعه نختبرها بخله نشوفها استوت ونسيبها لتانى يوم ونقسمها وناخد وجه الكيكه ونفتته ونخليه للتزين الخارجى

ونسقى الطبقات سفن أو أى عصير

ونضرب الكريم شانتيه بالمضرب الكهربائى ربع ساعه على سرعه عاليه ونضيف الحليب واحده واحده علشان نتحكم فى القوام

ونحشى الطبقات ونغلفها من الخارج ونزين التورته باقى الكيك اللى فتتناه

رئيس قسم المطبخ أ / جيهان جعفر