تورته مقدمه من شيف ندي فاروق
كتبت ندي فاروق
اسم الوصفه تورته
مقدمه من شيف ندي فاروق
في أغلب الأحيان تحاول ست البيت عمل تورته وتفشل، والسبب دائما يكون بسبب إن الاسبونج حساس جدا، وأية غلطة به يخرج الهواء منه، لذلك تقدم شيف، ندى فاروق بعمل طريقه الإسبونج الناجحة جدا. والطعم رائع
االمقادير:
6بيض
2ملعقة محسن جيل حلويات ودا اهم ما في الموضوع موجود عند العطار
و3 باكو فانيليا وملعقة خل
و2 ملعقه كبيرة نشا
و2كوب دقيق
نص كوب سكر عادي
ونص كوب مياه دافئة
ذرة ملح
لو عايزه الاسبونج شوكلت يبقا نشيل 2 معلقه دقيق ونضغ 2 معلقه كاكاو خام
صينية مقاس 28 لو عايزه عاليه اوي يبقا صينيه مقاس 24
الطريقة:
في بوله
تنزلي بكل المكونات علي بعض ايوا كل المكونات علي بعض محسن الجيل هيقوم بكل الواجب لا تقلقي 😃وطبعا البوله ناشفه مفيش مياه نهائى
وبواسطه مضرب البيض يتم خفق كل المكونات لمده 10 دقايق حتي يصبح الخليط ابيض وعامل زي منقار في المضرب 😉
ونزلي الخليط اللي هيبقا عامل زي الاسفنجه ومش زي خليط الكيكه خالص في صينيه مدهونه ماده دهنيه ومتبدره بالدقيق ويكون الفرن ساخن قبل دخولها 10 دقايق فقط علي 180 ودخلي الصينه الرف الوسط علي درجه حراره 180 لمده 45 دقيقه
الاسبونج يطلع من الفرن تغطي ويبرد و يدخل الثلاجه لتاني يوم لافضل النتائج
تاني يوم تبتدي التزويق تقسمي الاسبونج علي ثلاثة اجزاء، وكل جزء ترشي عليه ماء كمبوت او تكوني عامله جيلي وبارد وتسقي بيه التورته اوسفن اب
ثم قومي بالتزويق حسب الرغبه
وانهارده هقولك طريقه تزويق حلو جدا وكمان موفره
بين الطبقات هنضع كريم شانتيه
طيب هنعمل كريم شانتيه ازاي🙇
ربع كليو كريم شانتيه خام مع ربع كليو كريمه لباني
ونضعهم علي بعض وننزل بكوب سكر بودره وكوب لبن ساقع جداا ونخفقهم بواسطه مضرب بيض ولو شوفتي اني الخليط تقيل ومحتاج لبن تاني حطي شويه لحد مايضبط معاكي ويديكي النتيجه👍
ليه مستكفتش بكريم شانتيه لوحده لان الطعم مش حلو خالص والكريم اللباني البودره طعمه بيكون غني عن الكريم شانتيه
ونبدأ نغطي التورته بالكريم شانتيه وندخل التورته التلاجه نص ساعه تتمسك ونخرجها نبدأ التزويق
نضع في كيس الحلويات كريم شانتيه ونعمل وردات بالكيس في نص التورته بحيث نقسم التورته اتنين تمام
ونبدا نعمل صوص شوكلت
علبه كريمه حلويات جهينه الصغيره في حله علي النار يسخن بس ننزل بكوب شوكلت مبشور ونرفعهم من علي النار ونشوف السمك كويس ولا محتاج شويه شوكلت تاني علشان يتقل الصوص ونتركه يبرد ثم ننزل علي نص التورته بالصوص ونضع باقي الصوص في التلاجه يتمساك وهقولك ليه دلوقتي
النص التاني بتاع التورته ده بتاعك عندك كذا حل لا تلوني الكريم شانتيه بألوان صحيه ومن عند العطار بتشتريها وتعملي وردات بالكيس وترشي علي الجانب شوكولاته مبشوره او تزوقي بالفاكهه او كمبوت المعلب وطبعا لو فاكهه يبقا لازم جيلي تلميع علشان بعد ما نرص الفاكهه نمسح علي الفاكهه بجيلي التلميع وده بنشتري من عند العطار
فاكره بقا شويه الصوص اللي دخلنهم التلاجه ماسكوا نفسهم وبقوا تمام😃 قلبيهم مع شويه كريم شانتيه وحطيهم في القمع واعملي وردات علي نص التورته اللي بالشيكولاته
وطبعا التزويق كلها تقدري تبداعي في بزوقك كل ست جواها فنانه تقدر تعمل تزويق للتورته احسن من اي حلواني
