كتبت اسماء عزازي
مقدمة من إيمان عبد الوهاب
مدة التحضير يوم
المكونات ٢ كيلو حليب بلدى
الطريقة
_جبنه قريش بخيرها
٢ كيلو حليب ندفيهم زى دمع العين ونغطيه ونسيبه يروب لتانى يوم ولازم يبات بعد كدا نصفى الشرش اللى فى الحليب ونحضر شاش نضيف نعمله للجبنه ونض الحليب فيه ونسيبه يصفى ونحاول نضفها فى الشاش ونفرد لحد مايكون بالشكل اللى فى الصوره ولما تصفى خالص نقطعها ولو عايزين ترشوا ملح عليها مش عايزين خلاص
_جبنه قريش منزوعة الدسم
٢كيلو حليب نبيتهم فى التلاجه لتانى يوم هنلاقى القشطه اتجمعت على الوش هنشيلها وهنعمل بنفس طريقه الجبنة القريش اللى بخيرها
وبالنسبه للقشطه ممكن نحطها فى كيس فى الفريزر ومره على مره هتكتر ونبقى نطلعها نضربها ونعمل منها ذبده او ممكن ناكل منها مع الجبنه وهتبقى قشطه زى اللى بنجبها من الفلاحين بالظبط
وبألف هنا
رئيس قسم المطبخ
اسماء عزازي
وسمسمة سعد
