جراح الليل…
جراح الليل…
بقلم… عادل حراز
المزيد من المشاركات
وتسقط ف الخريف ضحكه
وتدبل ف العيون اشواق
كأن الدنيا مش عاوزه
تجمع فرحة العشاق
رزاز الموج يفكرنى
بعطر عبيرك الفواح
اشم العطر واترنح
وامز بخدك التفاح
ابوس الرمله واتخيل
على حجرك وانا برتاح
يهفهف شعرك الليلى
ويفرش ضلته ف براح
وف عينيكى الضيا يداوى
جراح الليل وكل جراح
وفينك انتى دلوقتى ؟
وانا لوحدى …
ف الهموم سواح !
وآه م الخريف وعمايله
لا نافع معاه طبطبه
ومستحيل يرضى تحايله !
وانا واقف على شطك
ب اعد آثار خطاوينا
وخطى يبوس خطك
ويمحى الموج اسامينا
وتسقط ف الخريف ضحكه
وتدبل ف العيون اشواق
كأن الدنيا مش عاوزه
تجمع فرحة العشاق.
عادل حراز
