جلاش بالكاسترد حلو موفر واقتصادى مقدم من إسلام عصفور

مده التحضير 10دقايق
مده الطهى 15 دقيقه
المكونات
لفه جلاش
سمنه
مكونات الكاسترد
كوب حليب
3ملاعق كبار كاسترد بودره
سكر حسب الرغبه
الشربات
كوب ماء
كوب سكر
عصير نصف ليمونه
ملعقه صغيره فانيليا
الطريقه
نحضر الكاسترد نضع الحليب على النار يغلى نضيف السكر
وندوب الكاسترد البودره فى نصف كوبايه حليب ونضيفهاعلى الحليب ولمايبتدى يتقل نطفى عليه يترك يبرد
نقطع الجلاش قطع متوسطه ونرش عليها سمنه والسمنه تكون مفككه على النار بس مش سخنه
نوزع السمنه على ورق الجلاش كويس وندهن صينيه من اللى بتتفتح أو صينيه عاديه سمنه ونضع نصف الجلاش ونوزعه كويس ونفصل الورق عن بعضه ومنضغطش بإيدينا نوزعه بس
ونضع الكاسترد ونوزعه فى الصينيه بس ميوصلش للأطراف قوى ونضيف باقى الجلاش فوق الكاسترد ونوزعه جيدا بحيث يغطى الكاسترد كله ومنضغطش بإيدينا
وندخله الفرن على الشبكه فى النصف على نار متوسطة لما القعر يتحمر نولع الشوايه الوجه يتحمر ونطلعه نسقيه شربات خفيف بارد ويبرد نقطعه
طريقه الشربات
كوبايه سكر وكوبايه ماء يغلو على النار 5دقايق نعصر نصف ليمونه ويغلى كمان 5دقايق نضيف ملعقه صغيره فانيليا ونطفى عليه
رئيس قسم المطبخ أ / جيهان جعفر