نجم استثنائى
كتبت / غادة العليمى
النجومة ليست هالة شهرة من دون سبب ولكنها صفة لبعض المميزين من البشر
بعضهم يولدوا نجوم وبعضهم يجتهدوا ليصيروا نجوم
والاستثنائين منهم يولدوا نجوم ويعززوا مكانهم ومكانتهم بالاجتهاد والسعى والعمل مثل النجم الاستثنائى الفنان احمد ذكى
وحكاياته الفنيه المبهرة الطريفة
منها حكايات يحكيها احمد ذكى بنفسه عن نفسه وبعضها يرويها اخرين عنه
وفى احد اللقاءات روى احمد ذكى طريفة صادفته اثناء تأدية دوره فى فيلم البيه البواب فقال ..
( وهما بيصوروا فيلم البيه البواب كانوا بيجهزوا موقع التصوير في العمارة الي بيتصور فيها الفيلم وكان الجو شمس جداً و زحمة واحمد زكي كان حران جداً و تعبان فوجد دكة امام العمارة الي في وش موقع التصوير فراح قعد عليها لوحده و ولع سيجارة ..
شوية و وقفت عربية نزل منها راجل و مراته ومعاهم شنط سفر بص عليه الراجل و قال هما كل اسبوعين يغيروا بواب ، ارمي الزفتة السيجارة دي و قوم شيل الشنط يا حمار و فعلا شال الشنط و طلّعها للراجل و مبانش عليه أي إشارة إنه فنان أو بيمثل والراجل مد أيده في جيبه و اعطى له جنيه و ربع اخدهم احمد ذكى وكتب عليهم “إيراد نجاح مسبق الدفع” و احتفظ بهم في المكتبة الخاصة بيه في بيته
قصة اخرى يرويها احد العاملين بفريق تصوير فيلم البرئ فقال
أن احمد ذكى كان مطلوب منه اداء دور عسكرى امن مركزى بسيط لم ينل قسط من التعليم محدود المعرفة 
واثناء البحث عن ملامح لشخصية البطل وجد المخرج رجل بسيط قروى ساذج يقترب منهم فتطلع فيه والتفت الى مشيته وطريقة لبسه ونادى مساعد المخرج وقال له
(نادى لى احمد ذكى بسرعة خليه يشوف الرجل ده انا عايزة يتقمص الشخص ده ويأدى اداؤه بالظبط هو ده الى انا عايزة)
وجد المخرج فريق العمل يضحك من كلامه وحين استفسر عن السبب اخبروه ان هذا القروى البسط هو نفسه احمد ذكى فى حالة تقمص للشخصيه قبل التصوير
رحم الله النجم الفنان امبراطور التقمص احمد ذكى
