جوزي الغالي.. بقلم/ حازم حمزة.
جوزي الغالي ياضي عنيا
يالي مليت الدنيا عليا
حبك جوه ف قلبي معشش
سبعي ياناس نبع الحنيه
المزيد من المشاركات
فاكره يوم ما نده على قلبي
وعشقني من سحر عنيا
عيد الحب على الأبواب
اكيد هييجي بأحلى هديه
ورد جميل من اللي انا حبيته
ويرسم صورتي ع العربيه
وجوه البيت يرسمني ف قلب
ويقول انتي كل ما ليا
دي احلامي اللي انا بحلمها
احكي عنها ولا اهدي شويه
فجأه لقيت جوزي الحبوب
جاي م الشغل بدون دبدوب
وكمان ضارب بَوز شبرين
وبيزغرلي بجنب العين
قلتله مالك حبيبي الغالي
فين الورده اللي جيبهالي
قالي قومي فزي ياوليه
حطي الاكل ياست بهيه
ومسك الفون لقاني منسجمه
ولكاظم بسمع اغنية
قالي مالك عايشه الدور
صدعتيني ف الراحه والجايه
فين باقي المصروف ياحبيبتي.
علشان نعمل بيه جمعيه
