جيل السوشيال ميديا بقلم الاء حامد

السوشيال ميديا سلاح ذو حدين حياتنا بقت عباره عن فيس وواتس وانستا حطينا نفسنا في دايره صغيره جواها عالم كبير بقينا نسال علي بعض عن طريق ماسيدج في شات نزعل من بعض نعمل بلوك نتعرف علي بعض نعمل ادد والاغرب ان حتي بنهنئ بعض في اي مناسبه عن طريق بوست الف الف مبروك ونعزي بعض بشاشه سودا والبقاء لله ونزعل من بعض لو معملناش لايك او شير او حتي كومنت حتي السوشيال ميديا ضيعت ملامح الحب الجميل بقينا نعبر عن مشاعرنا بمجرد ايموشن السؤال هنا هل التفكك الاسري او المجتمعي وانقطاع صله الرحم سببها السوشيال ميديا!؟؟؟؟؟ هل هي مهمه في حياتنا؟؟؟؟ هل نقدر نعيش من غير انترنت؟؟؟ هل لو انقطع الانترنت الزمن يعود والحب يعود والتقارب والمحبه تعود كما كانت ؟ اسئله كتير الحل مش في اجابتها ولكن الحل في اننا نستخدم الانترنت بشكل حضاري نستفاد بيه كما ذكرت انه سلاح ذو حدين بايدينا نستفاد بيه او نضر نفسنا بيه مش هنكر وجوده واهميته في حياتنا وانه ساعدنا في حياتنا العمليه ولذالك سمي بشبكه التواصل الاجتماعيه ولكن هو هو جعلنا نتواصل بشكل نستفيد منه ولا لا؟