حدوتة مصرية

بقلم الشاعرة/ إنتصار حسين

…..

حدوتة مصرية
مليانة تضحية

حدوتة الإنسان
اللي بحبها ولهان
……
مصري هو والقلب
بحبها….عمران

راجل عفيف
طول عمره شريف
وف حياته
طول العمر
لاجلها شقيان
…
حدوتة المَنسي
راجل أصيل
والطبع جميل
مرابط ع الحدود
وحالف ما يعود
إلا وهي مطهرة
وبكل خير متعمرة
..
وقال والله
لامحي م الوجود
كل خاين أو حقود
…
ومرابط البطل ع الحدود
.. …
يزعق بأعلي الصوت
بلدي حياتي
وحبها ماله حدود
وانت يا أي حقود
إوعاك تقرب
ولو تشوفني
ما تحاول تهرب
ولو عارفني
مين أكون؟
أنا المصري
عمري ما اخون
بواجه بصدري
ولترابها أصون
…
وتمر الليالي
ويحميها الغالي
أبو قلب حديد
وعزم شديد

ويتربصوا له الخونة
من بعيد…

والغالي أبو المقام العالي
يواجه بصدره زي ما قال
وعمره ماخالف كل قال
وحقق على أرضها
كل مُحال
..
ولولا حكم القدر
والخاين بيه غدر
ماكان يقدر يعود
علي أرضها اي حقود
….
ويموت في لحظة غدر

بالشهادة ويروح عمره
لكن مش هدر
….
المنسي إسمه
وعمره مايِتنسي
ده لسة رسمه
مطبوع ع القلوب
ما ينمحي…
…
تاريخ هو…ياناس
وابداً ما هينتهي

وييجي صحبه
ويمسك الراية
ده حب مصر عندهم
غاية…
…..
وتفضل الحدوتة
جوانة دايرة
تحكي قصة بطولة
عمرها ما هي زايلة
حدوتة الأبطال
أصحاب المكانة العالية
حدوتة مصرية
مليانة تضحية
حدوتة الأبطال
أصحاب الهمة العالية
حدوتة مصرية
مليانة فدا وتضحية
حدوتة المنسي
شهيد الوطن
أصل الشهامة والرجولية