حدوته لا للتنمر بقلم الكاتبة شيماء أبو زيد

حدوتة. لا للتنمر
بقلم.شيماءأبوزيد
كان ياما كان ياسادة ياكرام ولا يحلي الكلام إلا بذكر النبي عليه الصلاة والسلام.
كان في زمان ولد صغير إسمه منصور.
منصور كان ولد جميل جدا وشكله حلو جدا جدا وكان كل الناس بتحبه ومبهوره فعلا بجماله، لكن كان فيه عيب صعب جداً وهو أنه كان دايما بيضحك على أي حد ويسخر منه ويتنمر على أي حد ….
كان موجود ولد معاه في المدرسة إسمه باسم، باسم كان ولد جميل لكن كان عنده تعب في رجليه مش بيخليه يقدر يمشي كويس فا كان منصور كل مايشوفه يضحك عليه وباسم يزعل لكن مش بببين.
واحد من اصحابهم شاف الموقف وقال لمنصور:ليه بتضحك عليه، باسم تعبان، ماينفعش نتريق على حد ربنا أعطاه شيء مختلف عنك ….
رد منصور وقال : انا ولد جميل وباكون مبسوط وانا باضحك عليه
رد كريم صاحبهم وقال : لكن ربنا سبحانه وتعالى قال في كتابه الكريم
بسم الله الرحمن الرحيم
(ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون)
صدق الله العظيم
ربنا بيقولنا أن ماينفعش خالص تسخر من أي حد علشان شكله أو لونه أو أي حاجه مختلفة عن باقي الناس .
رد منصور وقال : يارب سامحني انا مكنتش اعرف إن حرام أعمل كده…
رد كريم وقال : ربنا غفور رحيم بيسامح اللي بيستغفر ويتوب ويرجع عن الذنب ومايعملهوش تاني.
وتاني مره وباسم ماشي قام بسرعة منصور وسنده وساعده علشان هو عارف ان كان دايما بيزعله ويضحك ويتنمر عليه .
باسم كان متفاجئ جداً من موقف منصور.
منصور اعتذر له وطلب منه يسامحه ووعده انه خلاص عمره ماهايتنمر على أي حد تاني ابدا
لأن كلنا مالناش دعوة بشكلنا ولا بأي حاجة، كل حاجة ربنا سبحانه وتعالى هو اللي خلقنا وموزع النعم علينا بطريقة تناسب كل واحد فينا…
رد باسم وقال : انا عمري ماازعل منك انت صديقي وأنا عارف انك طيب ومتقصدش تزعلني. ..
ومنصور من وقتها أصبح ولد طيب جدا بيحب كل الناس وبيعلم كل أصحابه أن لا للتنمر ولازم نتقبل اختلافنا ومنصور زي أي ولد جميل بيحب يساعد كل الناس ……
وتوته توته خلصت الحدوته واستنونا في حدوته جديدة مفيدة
وخليكو فاكرين ياأصحابي احنا البشر ربنا خلقنا مختلفين ومكرمين خلونا نطبق كلام ربنا سبحانه وتعالى ونقول
لا للتنمر
نعم لتقبل اختلافنا