حريّة تكتبها الشاعرة سيده طنوس
حريّة
المزيد من المشاركات
خليك شاعر حر يا خيّي
وحرّر بلادي من العُنُصريّة
وفتّش على حروف الدهب والنار
وانقش عا خد الشمس حرّيّةّ
حرّر ضميرك من ذنوب كتار
وصلّي لربّ الكون يوميّي
وافرد جناحك وابتدي المشوار
رفرف على الغيمات والميّي
لا تكون عبد لنزوة الأفكار
ولا تكون عبد المال والغيّة
وتحمل عا كتفك قسوة الأدهار
ونير الجهالة والعبوديّة
واكتب كتابك عالشرف واختار
جيش الوطن والحق محميّة
واحفر على صخور الوطن أسفار
تحكي حكاية حق عن الله
تفرّخ أمل بنفوس منسيّة.
الشاعرة سيده طنوس
