حسناء سيف الدين تكشف آخر تطورات حالتها الصحية

حسناء سيف الدين تكشف آخر تطورات حالتها الصحية

كتبت: مها صلاح

نشرت الفنانة الأردنية حسناء سيف الدين، آخر تطورات حالتها الصحية، خاصة بعد تعرضها في الفترة الأخيرة لوعكة صحية جديدة.

ونشرت الفنانة حسناء سيف الدين مجموعة من الصور والفيديوهات الخاصة بها، عبر موقع الصور والفيديوهات الشهير “إنستجرام”، مسترجعة آخر زيارتها للبحر، وعلقت عليهم قائله: “كانت أول مرة أنزل البحر وأخر مرة وبعدها عملت الحادثة ونايمة على ضهري ومش بمشي لمدة شهر عدى منهم أسبوعين وفاضلي أسبوعين بمشيئة الرحمن”.

وفي أواخر الشهر الماضي، كتبت الفنانة حسناء سيف الدين، عبر موقع التواصل الإجتماعي الخاص بها “فيسبوك”قائله: “يا رب أنا من شهر 12 إللي فات وأنا ما بلحقش أرفع رأسي، أخلص من مرض أدخل في مرض تاني أخلص من مرض أدخل في إصابة، أنا بقيت أدخل المستشفى بمعدل مرة كل أسبوع.. أخباري في مواقع الأخبار كلها بقت عن مرضي أكتر من شغلي”.

وتابعت: “بقيت أعتذر عن مقابلات شغلي بسبب أني مريضة.. مرة جلطة على الرئة ومرة أورام في الرقبة ومرة إلتهاب الغدد الليمفاوية و مرة حصوة في الحالب، و كل شهر تحاليل و أدوية و دكاترة، و مرة معمل البرج يغلط غلطة مطبعية في نسبة الكولسترول واثخد دوا كولسترول وأنا ماعنديش كولسترول وكنت هموت فيها.. و مرة نسبة الأكسجين تقل ونفسي يروح و يركبولي أكسجين”.

وأضافت: “وأخرتها وقعت على ضهري من إرتفاع مترين ومش قادرة أمشي على رجلي الإتنين ونايمة على ضهري و عشان أتقلب لازم حد يقلبني.. الحمد لله على كل شئ بس بجد أنا تعبت نفسي أعرف أنا إيه إللي بيحصلي ؟! أنا بقيت أدبح تقريباً كل شهر، و بزكي و بتصدق على طول و مشغلة الرقية الشرعية في البيت 24 ساعة، و بسبح و بقرأ قرآن علطول، حتى الناس إللي نصبوا عليا أو اذوني سامحتهم”.

وأختتمت قائله: “يا رب نفسي أرجع لحياتي الطبيعية إللي عنده أدعية ممكن تساعدني ممكن تكتبوهالي هنا لو سمحتوا”.