حصرى / أمنيات الإعلامية “ملك صالح ” لعام 2019 وماحققته فى 2018 .

 

إعداد /دعاء سنبل

 

إعلامية جريئة ، عملت في عدة برامج وقنوات مختلفة قدمت من خلالها برامج ناجحة وأصبح لها متابعيها الذين يعشقون أسلوبها البارع هي الإعلامية “ملك صالح “مقدمة برنامج” صوت الناس “على قناة المحور سابقاً وبرنامج :سبق الإصرار” على قناة ON TV LIVE ، سابقاً أيضاً ، وفي إنتظار برنامجها” حكاية روح “على قناة النهار قريباً .

 

 

ممكن نعرف من حضرتك أيه الحاجة الحلوة اللي حصلتلك في 2018 ، وأيه الحاجة الوحشة اللي حصلتلك متتمنيش يحصل لك تاني في 2019 ؟

 

– الحاجه الحلوه اللي حصلت في ٢٠١٨ هي انضمامي لقناة النهار والحاجه اللي متمناش تحصل في ٢٠١٩ ان برنامجي اتعطل اكتر من مره

إيه اللي بتتمنيه في 2019 على مستوى العمل والمستوى والاجتماعي ؟

على مستوى العمل أن برنامجي الجديد حكاية روح يتفوق على نجاح مع سبق الاصرار .. والاجتماعي ان اهلي واولادي يبقو بخير هم واصحابي اللي بيخافو عليا بجد

ايه الجديد اللي ل ” ملك صالح ” في 2019 ؟

برنامج “حكاية روح مع ملك ” بحضر له بقالي فتره وان شاء الله يليق بالاسرة المصرية والعربية

ملك صالح تحبي تقولي ايه لجمهورك بمناسبة السنة الجديدة ؟

اقول لكل الناس احلم وصدق حلمك علشان حلمك يصدقك … يارب تبقى سنة سعيدة على الكل ومتخلص غير واحنا راضيين ربنا ومحققين كل اللي نفسنا ليه

كلمة خاصة : أحب أوجه شكر خاص
لابويا وامي اللي لولاهم مكنش في ملك في الدنيا، وأوجه لاولادي اللي بيتحملوا انشغالي عنهم وبيفرحوني بضحكتهم.

وأوجه للاصدقاء السند اللي محسسيني ان الدنيا لسه بخير، واللي خذلوني وخدعوني علشان اثبتولي اني قويه.