حصرى / أمنيات وأحلام الفنانة “فريدة سيف النصر” لعام 2019 وماحققته فى 2018 .
أقول لجمهوري انتم ضهري وسندي والعمدة زينب لسة عايشة .
إعداد / دعاء سنبل
فنانة قديرة بارعة الأداء ، تهتم جداً بإختيار ادورها ،ويهمها التميز اكثر من الإنتشار الغندورة والعمة زينب القديرة “فريدة سيف النصر “.
ممكن نعرف من حضرتك أيه الحاجة الحلوة اللي حصلتلك في 2018 ، وأيه الحاجة الوحشة اللي حصلتلك متتمنيش يحصل لك تاني في 2019 ؟
كل حاجه بيجيبها ربنا بالنسبه لي حلوه واحلى ما في الدنيا حقيقه لاني واثقه انه مبيجبش حاجه وحشه ابدا لازم كل شئ له سبب وهو مسبب الأسباب واحنا علينا الرضا والحمد واللي اتمناه من رب العالمين بلا اعتراض على حكمه لكن ثقه في لطفه اني ما افقدش حد من اهلي امي ابني وعيلته اخواتي الثلاثه وولادهم ولا احبابنا ولا زمايلي تعبت والله واتمني يكتروا الراحمين بالطفل و الحيوانات المسكينة وكمان ماقدرتش اكمل الاب الروحي لظروف مرض أمي.
إيه اللي بتتمنيه في 2019 على مستوى العمل والمستوى والاجتماعي ؟
اتمنى ربنا يرزقنى بعمل زي ما معودني يكون علامة في الدراما والناس تنده لي باسم الشخصية.
واتمنى ربنا يشفي امي واخويا ويخليهم لي وكل اخواتي بولادهم ويخليلي ابني وزوجته وبناته لارا 3 سنين وتاليا سنه دوول روحي ويقدرني على خدمة حيواناتي.
ايه الجديد اللي للقديرة “فريدة سيف النصر ” في 2019 ؟
أما الجديد بنصلح في مسرحية هاتبقي جديده وجميله في فكرتها وفي كلام مع قناه مش هاقدر اتكلم لان اي حاجه باقولها بتضيع هههههههه على عمل كوميدي شبيه بالسيت كوم ان عشنا وكان لنا عمر ونبدأ بقي الجزء الثالث من الاب الروحي اذا فضلت العمدة زينب عايشه..
فريدة سيف النصر تحب تقول ايه لجمهورك بمناسبة السنة الجديدة ؟
واحب أقول لجمهوري ربنا مايحرمنيش منكم وتفضلوا دايما ضهر وسند وفاكرين لي كل اعمالي وباسم الشخصيات وده اللي بجد مفرحني بحبكم واتمنى السعاده لكم وراحة البال وكل اللي بيتمني شئ ربنا الكريم الكبير يحققهوله ، ويجعل مصر دايماً امنه ويحميها من كل شر ، قولوا اااااااااامين..وعام سعيد بإذن رب العالمين…بحبكم.
