حصرياً .. المحاربون الخمس من فيلم “بيت ست” فى ضيافة المشاهير
حوار / مي إسماعيل محمد
حاله من الغموض والتشويق سلسلة مرتبطه غير قابله للتفتت ونجوم صنعوا هذه الحاله بقيادة مخرج يعشق مايفعله .. هذه الحاله لعنه اصابت من عرفها او تحدث عنها انها فيلم “بيت ست” أول فيلم مصري رعب حيث يتناول أسطورة عودة ملك الشر عند المصريين القدماء “ست”، بعد إعادة احيائه عند الوصول لجثمانه، ليحكم العالم، تلك الأسطورة هي المحرك عند عدد لا بأس به من مجموعة من المؤمنين بالشر ..
واليوم سنركب سوياً مع الممثله
مارجو حداد والممثله سلمى الديب
والممثله نيجار والممثل والمذيع مروان مسلم والقائد المخرج احمد عادل عقل سفينة رع لنواجه ست اله الشر وفى طريق رحلتنا سنتقرب اكتر من هؤلاء الأبطال ونناقشهم فى الأدوات المحاربه التى يمتلكوها .. فهيا بنا ..
فى البداية احب ان ارحب بكم اعزائي المحاربون الخمس فى سفينتنا واريد ان تخبروني عن لماذا وافقتم على هذا الفيلم ؟
وردت المحاربه الاولى مارجو حداد : بيت ست فيلم يعتبر دم جديد لي وانه من بدايه الامر واثناء قراتي للسيناريوا شدني الدور جداا فقد قرأته في اقل من ساعتي لعبقرية السينارست شادي المسلمي ودور (سلمي) سيقدمني بشكل مختلف .
المزيد من المشاركات
فردت المحاربه الثانيه سلمي الديب : دور (سحر) الدور حلو جداً وصعب وفيه منافسه ليا مع نفسي دوري دور مركب وانا الحقيقه كنت خايفه ومترددهم مش عشان الفيلم او صناعه ولكن عشاني انا ماكونتش عارفه هل انا عندي القدرة اننا اعرف امثل الدور ده وله لأ واتمنى انو يتشاف بشكل حلو واكون فعلاً عملت ال عليا لأن حقيقي انا مش ببقى اصلاً عارفه انا عملت حاجه كويسه وله وحشه.
وردت المحاربه الثالثه نيجار محمد : دور(حبيبه) والفيلم ككل الفيلم حلو جداً وانا متأكده ان ان شاء الله الناس هتحبه لما تشوفه لانه قصته مختلفه بيتكلم عن ست اله الشر بطريقه مختلفه ووافقت عليه فلاول عشان استاذ محمد عبد الرحمن لانى عارفه انه منتج بيهتم بشغله وبيحبه يطلع حلو وكامل ومبيبخلش فيه وبعدين عشان استاذ احمد عقل المخرج لانى عارفه انه شخص طموح وعنده رؤيه بس كان محتاج الفرصه الحلوه واهى جت وعارفه انه هيطلع شغل حلو هو بيشتغل بقلبه اوىً وآخر حاجه لما قريت وقعت فى حب حبيبه وصحبتها خرجتها من دماغى وكنت بقعد اتكلم معاها كتييير كل يوم قبل ماانام عشان نقرب من بعض ومنبقاش اغراب وشدنى ان فيها كل حاجه الدلع والقوه والإغراء البسيط اللى ميثيرش اشمئزاز حد وطيبه اوىً وده هيبينى انا كممثله كويسه لانها مكتوبه حلو جداً وطبعا ده بسبب السيناريست الشاطر اوىً استاذ شادى المسلمى وفلبروفات اتعرفت على جزء من الممثلين اللى معايا حببونى فلدنيا اكتر لأنهم متعاونين وحبين الفيلم وعشان كده ان شاء الله الفيلم هيعجب الناس لانه اتعمل بحب مش فيلم .
اريد ان اسأل مروان والمخرج احمد عادل عقل عن كيف وصل ورق فيلم “بيت ست” لهما ؟
فرد المحارب الرابع مروان مسلم : المخرج أحمد عادل عقل المخرج هو ال رشحني للدور دور(مراد) وكلمني وقالي انا بعمل فيلم جديد فقبلتوا وحكالي فكرة الفيلم وانه رعب بجرافيكسوحكالي الدور وانا بحب الحاجات الجديده مابحبش الحاجات النمطية كل مايبقى فكره جديده ببقى متحمسلها اكتر فانا اديتوا موافقه مبدائيه لحد مقرا الورق وقريتوا وكلمتوا تاني يوم وقلتلوا انا موافق .
اما قائد المحاربين المخرج احمد عادل عقل فقال : الورق وصل ليا عن طريق أن المنتج ا / محمد عبد الرحمن كلمني وقالي أن معاه قصة عايز يحولها لفيلم رعب ورحت قابلته ورشحت السيناريست ا / شادي المسلمي صديقي ورفيق رحلة الكفاح للاستاذ محمد وعملنا جلسات عمل حول القصة اللي كاتبها ايمن العايدي .. وبعد شهرين كان شادي خلص سيناريو الفيلم وقعدنا عليه نطور فيه لمدة أسبوعين وبقي جاهز اننا نشتغل عليه تحضير وتسكين ادوار ومعاينات وخلافه .
اريد ان اعلم من الجميع كيف استعديتم لأدواركم فى هذا العمل ؟
اما مارجو حداد (سلمى) فقالت : دور سلمي الصحافيه الابتلقي فديوه اقل من عشر دقيق ولا بيستفذها انها تحقق ورها لتكشف غموضه ولعنه الا صيبه معظم ابطاله لتجد نفسها في النهايه هي من تعاني من اللعنه وبعد موافقتي للدور قررت ان اتلغي كل ارتبطاتي لكي استعد جيداا لهذا الدور الصعب المليء بتحولات في الشخصيه .
فقالت سلمي الديب (سحر) : الدور من الأدوار الرئيسيه فى الفيلم وكنت مرعوبه جداً طبعاً وبيبقى لينا طريقة مذاكرة وتحضير شخصية ومعيشات وبروفات والدور ده بنسبالي كان مهم جداً لأن كنت خايفه منه وماكونش عارفه اصلاً همثلوا ازاي لكن ركزت فى الدور كونه مركب عشان يتمثل صح .. بس حقيقي انا حابه الفيلم وفريق العمل والجو ال احنا كنا عيشينوا لأنه بيأهلنا اكتر ان احنا نعرف ندخل فى الشخصية .
اما نيجار محمد (حبيبه) فقالت : انا بعمل دور واحده من الأبطال هى بنت مش متعلمه بتحب نفسها جدا وحلمها الوحيد انها تتجوز وبتتصاب بللعنه فبتكون حد مختلف جدا عنها الاستعداد طبعا بعد ماقريته ووافقت اتكلمت مع استاذ احمد وفهمت وجهه نظره وثقافه حبيبه و ابتدينا بروفات طربيزه وتحضيرات للشخصيه وطريقه لبسها وكلامها وطبعا فضلت أتدرب فلبيت واتفرج على افلام وشخصيات زيها واعمل تمرينات المرايه.
ورد مروان مسلم (مراد) : استعديد بعمل بروفات كتير مع المخرج لوحدي خالص للشخصيه وبعدين عملت بروفات مع بقيت الممثلين بحيث اننا لما نروح التصوير نبقى جاهزين .
اما كان رد المخرج احمد عادل عقل فقال : عن استعدادي لإخراج فيلم بيت ست وهو فيلم ينتمي لنوع افلام التشويق والرعب وهو أول فيلم روائي طويل اقوم بإخراجه فالموضوع اخد مني جهد في دراسة وتحليل النوع ده من الافلام من اختيار اماكن التصوير وبالتة الالوان المستخدمه في الديكور والملابس لموود الوان الصورة ونوع المزيكا المستخدم واكيد طبعا كل ده هيتم مزجه ازاي بما يساعد في اننا بالبلدى كده نحكي الحدوته دي واحنا محافظين علي الروح المصرية للفيلم لكن بإحترافية تنفيذ الافلام الغربية .. واحترافية التنفيذ دي هيا اللي سبب عدم وجودها فشل عدد من المحاولات السابقه في خلق فيلم رعب مصري يحقق للجمهور المرجو منه وهو إثارة شعور التوتر والخوف .. .. واظن أن شاء الله اننا نقدرنا نتغلب علي العقبة دي بالتحضير الجيد ومراعاة عوامل النجاح في الصورة والصوت .. الموضوع كان محتاج شوية جرأة في اتخاذ القرارات المتعلقة بالصورة واللوكيشنز اللي ايدني فيه تقريبا كل صناع العمل وكنا علي نفس المستوي من الرغبة في خلق عمل مختلف وفي الاخر الحكم للجمهور اللي بنتمني كصناع للفيلم أنه يحوز علي اعجابهم وينال رضاهم .
