“حكايات أبلة فظيعة”.. الحلقة الأولى عبر راديو أسرار المشاهير بعنوان “مجلس تأديب”
“حكايات أبلة فظيعة”.. الحلقة الأولى عبر راديو أسرار المشاهير بعنوان “مجلس تأديب”
“حكايات أبلة فظيعة“… أطلت الكاتبة والإعلامية الشابة رؤى مصطفى على جمهورها من خلال أولى حلقات برنامجها الإذاعي الجديد “حكايات أبلة فظيعة”، والذي يُذاع عبر راديو أسرار المشاهير. وجاءت الحلقة الافتتاحية تحت عنوان “مجلس تأديب”.
استهلت رؤى الحلقة بتحية دافئة قالت فيها:
“حبايبي الحلوين، معاكم رؤى مصطفى وأول حلقاتنا من برنامج حكايات أبله فظيعة على راديو أسرار المشاهير.”
ثم تابعت بصوت مليء بالحيوية قائلة:
“في كل حلقة من برنامجنا هنرجع بالزمن، نعيش ذكريات جيل السبعينات والتمنيات.. الجيل اللي عاصر تغيرات جذرية، وطلع وسط أهل من الجيل الصامت.”
شاهد الحلقة عبر راديو أسرار المشاهير
https://www.facebook.com/share/p/1DxjpCHNQh/
وأضافت مازحة:
“وفجأة لقينا نفسنا جيل X وY عايشين مع أجيال Z وألفا! إحنا فعلاً فئران تجارب كوكب الأرض حرفيًا!”
ثم طرحت تساؤلات أثارت الحنين والذكريات:
“ياترى لسه فاكرين أيام زمان؟ وأولادنا وأحفادنا بيشوفوا تربيتنا إزاي؟ علشان كده كانت البداية بحلقة عنوانها (مجلس تأديب).”
وسردت رؤى بأسلوبها المميز تفاصيل من الزمن الجميل، حيث كان لكل كلمة وحركة حساب، وكان الخطأ يقابل بـ”مجلس تأديب”:
ما ينفعش تكون مكسوف أو مش عارف الشخص علشان متسلمش عليه!
اللبس كان له قواعد.. أول ما نصحى نبدّل ملابس النوم بـ”هدوم البيت”.
لازم نقول “صباح الخير” لكل اللي قابلناهم في البيت.
حتى دخول الحمام ما كانش عشوائي.. لازم تقول إنك داخل!
قفل باب الغرفة كان لازم باستئذان مع توضيح السبب.
التليفون؟ لازم تصريح، وذكر اسم اللي هتكلمه.. وطابع دمغة على الطلب!
في وجود الكبار، الصغير ما يردش على التليفون، والستات ما يردوش لو في رجالة.
مواعيد الأكل كانت مقدسة، والسفرة ما تبدأش إلا بجلوس الأب أولًا.
شاهد الحلقة كاملة عبر يوتيوب
كما تطرقت إلى تفاصيل الحياة اليومية:
“كنا بنصحى بدري يوم الأجازة، ولو يوم جمعة لازم الفطار يكون قبل الصلاة، والغدا يتحضر بعدها على طول.”
“الزيارات العائلية؟ الكل لازم يكون في البيت، وممنوع حد ينزل قبل ما الضيوف يمشوا، إلا لو عندك مذاكرة.”
وواصلت الحديث عن التلفزيون قائلة:
“كان ليه مواعيد للفتح والقفل، واللي يغير القناة من غير إذن، يتعمله مجلس تأديب! والسهر بعد الساعة 12 يعتبر انحراف طفولي.”
واختتمت رؤى مصطفى الحلقة قائلة:
“ده كان أحلى مجلس تأديب.. بس إحنا ما كناش نعرف.”
“ياترى لو حكيتوا لأولادكم الحكايات دي، هيكون رد فعلهم إيه؟ إحكوا وشاركوني في الكومنتات.”
وختمت بعبارتها المعتادة:
“ودي كانت حكايتنا النهاردة من (حكايات أبلة فظيعة).. استنوني في حكاية جديدة. كانت معكم رؤى مصطفى.”
