حلوى الجولاب جامون حلوى هنديه مقدمه من نجلا النجار 

مده التحضير  10 دقايق

مدة الطهى  10 ثوانى

المقادير

500 جرام حليب بودره

250 جرام دقيق

150 جرام زبده بدرجه حراره المطبخ

ملعقه صغيره بيكنج بودر

 300 جرام حليب سائل

مقادير السيرب

كيلو ونصف سكر

لتر ماء

عصير نصف ليمونه

السيرب يكون دافى وحلوى الجولاب ساخنه

الطريقة

نخلط الحليب البودر والدقيق والبيكنج بودر ونقلبهم ونضع الزبده ونبسها مع المكونات زى الكحك بالايد لحد الخليط ميبقى رملى ونضع الحليب السائل ونعجنها جيدا وتكون العجينه متماسكه ونضعها فى بوله ونغطيها بكيس بلاستك ونضعها فى التلاجه ترتاح لمده ساعتين وبعدها نكورها على شكل كور زى الصوره

ونضع طاسه على النار فيها زيت غزير ويسخن نهدى عليه النار ونضع كويرات الجولاب ونقلبها بسرعه مبتلحقش تستوى ومبتخدش وقت فى التحمير ثوانى وتتحمر ويبقى لونها دهبى ونخرجها من الزيت على السيرب على طول ودى بقى تكه السوى بتاعها لانها مبتلحقش تستوى فى الزيت بتكون نيه من جوه بتستوى فى السيرب والسيرب يكون دافى وتترك فيه لمده  3 ساعات أو اكتر وبعدها نضعها فى مصفاه لكى تتخلص من السيرب الزائد ونضعها فى التلاجه لتانى يوم طعمها تحفففففه جربوها

رئيس قسم المطبخ أ / جيهان جعفر