حل مشلكة الكرش

حل مشكلة الكرش

اشفطي بطنك وانتي ماشية وانتي قاعدة هتتشد وتلم

بلاش فكرة الدايت الي كل يوم هتبدأي من بكرة انتي واصحاب الكرش اصحابك وابدئي من دلوقت

بلاش تسمعي كلام صحابك دايت 50 كيلو في اسبوع ده مش دايت ده انتحار

بلاش الدايت الاسلامي تاكلي محشي وكشري وتقضيها رمرمة وتدعي ربنا تخسي تفتكري ربنا هيرضي بالي بتعمليه في كرشك ده

بلاش مرار ونبي وكل شوية عياط واكتئاب كدة مش هتخسي وكرشك هيبقي مترين قدامك

مفيش حاجه اسمها اكل دايت ووصفات بسبوسة وكنافة دايت بلاش افتكاساتك الغير شرعية ومش هتخسي والي خلقه ربنا كله كويس بس ناكل بالعقل ومتشغليش دماغك

بلاش ماتكليش حاجه علشان تخسي كدة هيجيلك جفاف وهتقعي من طولك ومستشفيات ومحاليل ومرار بلاش طرق التخسيس الغير شرعية دي

بلاش محشي الحاجة الي عامل زي القنبلة ده وتقولك مقلله الارز بتكدب عليكي

متدبيهاش وتنامي كدة كرشك هيدعي عليكي طول الليل

متناميش 14 ساعة في اليوم 8 حلوين من 12 الي 8
بلاش جو السهر ومبعرفش انام بدري والجو ده دي صحتك اهم من الرغي

كلي اكل صحي بلاش جو كيت كات وجلاكسي الي .هيودكي في داهية

بلاش تقعدي تلزقي في الكرسي خليكي خفيفة واتحركي

بلاش تاكلي في المطبخ وانتي واقفة الاكل مش هيطير بطلي طفاسة انا شايفك و عارفك

متشربيش حوارق الكرش كتير (كمون-جنزبيل_قرفة) ووصفات الحل السحري الي هتدمر معدتك اشربي بعقل

اشربي مياه كتير اوي قد ماتقدري والله مبتعملش كرش

بلاش ماك وكريب وعك بطلي اكل الجامعة والرمرمة
وبلاش تاكلي بسرعة علشان تاكلى اكتر من اصحابك والله مش سباق اكل كلي علي مهلك وانتى هاتشبعى

بﻻش تخالى المعده فل ع اﻻخر
خاليها تلت مياه و تلت اكل و تلت علشان النفس احسن اتطق وتموتى مش هانﻻقى اللى يخلص لنا ع اﻻكل

خلي الفاكهة والخضار دايما في اكلك علشان الفيتامينات

بلاش تدلقي الملح والسكر علي الاكل استخدميه بحظر وبلاش تخلف

هاتي ٢ كيلو تفاح كل يوم تفاحة كدة علي الصبح بلاش كروسو وكيك

اقولك حاجه سر التخسيس في 4 حاجات:

١-نامي واصحي بدري نامي 8 ساعات مش 6

٢-نظمي سعراتك متاكليش بالبركة

٣-اتمرني كل يوم ساعة مانتي بتعدي علي النت 15 ساعة في اليوم مش ساعة التمرين هي الي تقيلة عليكي اوي

٤-راحة نفسية مفيش حد هينفعك الا نفسك خليكي دماغك علي وضعها وريحيها