حمام محشي ارز وجمبري وممبار محشي ارز وجمبري مقدمين من الشيف وفاء حسني
كتبت نهي مرسي حمامة
المقادير واحده مرة معاها اتنين جوز حمام
ومرة معاها نصف كيلو من الممبار
المقادير:
كوبين ارز مصري
كوبين من الجمبري المقشر
بصلة كبيرة ممفرومة
ملح وفلفل وجوزة الطيب ومستكة وبابريكا وقرفه بودر وحبهان بودر وسماق وليمون ناشف ومكعب مرق
ملعقتين من السمن البلدي
للتحمير:
ملعقتين معجون طماطم نصف ليمونة ملح وفلفل ندهنهم بيهم
نحمر الممبار في زيت والحمام في سمن
ندخل بقي علي الطريقة:
نغسل الحمام والممبار جيدا بالملح والليمون
نغسل الارز ونصفيه ونشوحه في طاسة عليالنار مع المستكة حتشمي ريحه فظيعه تنزلي عليهم بالجمبري وبقية التوابل وتستمري في التشويح لمدة خمس دقايق
اتزكي الخليط يبرد وابتدي في الحشو
بالنسبة للمبار السواريه احشي شريط طويل واربطيه علي ابعاد بخيط سميك
اسلقيه في ماء مغلي مبهر وبوكيةة جارنيه (بصل وجزر وكرفس وطماطم)
لمدة ساعه كاملة
والحمام زيه بالظبط لمدة ساعة كامله علي نار هاديه
بعد كدا ادهنيهم بمعجون الطماطم والليمون وحمريهم وقدميهم بالهنا والشفا
وماتنسيش تفكي الخيط من المبيار عند التقديم
