حمام محشي مقدم من الشيف امينه رياض
المقادير
فريك
بصل مفروم ناعم
كبده الحمام والقوانص بتاعته
ملح/فلفل/جوزة الطيب/قرفه/وبجيب حاجه من عنده العطاريق اسمها السبع بهارات هاتوها واطحنوها كويس وبالمصفه السلك عارفينها بتاعه الشاي دي انخلوها وخلوها عندكو بهرو بيها اي طيور او لحوم هتعجبكو اووووي .
الطريقه
اولا وقبل اي كلام مش عايزه اوصيكو علي نضافة الحمام وغسله وننقعه في ماء وملح بعد دعكه بقلبل من دقيق ثم نشطفه ويترك يتصفي تعالو بفي نعمل خلطته نقطع الكبده والقوانص بتاعته مكعبات صغيره ونديها تشويحه بالذبده ونحط عليها البصل وكل البهارات اللي عندي .
ونكون غاسلين الفريك وبفضل نوع معين من الفريك مش بيتعبني في تنضيفه اسمه(الضحي)..وننزل بيه عالكبد ونشوحه كويس وبعد كده نغطيه بالميه ونسيبه يتشرب
نجيب الحمام فيه ناس بتقفل الرقبه والفتحه بتاعته بالخيط ابا بقفلها بخل الاسنان
تمام كده نقفل الحوصله بعد مانحشيها بالفريك وبصوابعي اورق الحمامه عارفين يعني ايه
يعني نبعد الجلد عن اللحم وابتدي احشيها من جوه وتحت الجلد ونكون بنغلي مايه وفيها جزر وكرفس وبصل وحبهان ولورا ونسقط فيها الحمام ونسسبها نص ساعه …
بعد النص ساعه نكون محضرين خلطه كده هتعجبكو اوي جربوها
ملعقة صلصه/ملعقة عسل/فلفل اسمر /شوية زيت
ونخلطهم وندهن بيهم الحمام وبينا عالفرن نحمره وبالف هنا وشفا ابقو ادعولي لما تجربوها😲😍😍
