حوار / شمم الحسن حلمه الاوسكار .. والجمهور المصري بالنسبه له خطير
حوار / مي إسماعيل محمد
“أصحاب العقول العظيمة لديهم أهداف وغايات، أما الآخرون فيكتفون بالأحلام”
هذه المقوله للمؤرخ والكاتب الامريكي واشطن إرفنج تنطبق كل كلمه بها على من يكون بضيافتنا اليوم ..
كعادتنا نلتقي بأشخاصاً تركُ بصمه كبيره بالمجالات الذين يعملون به لنلقي الضوء على ابداعاتهم ونتعلم منهم ونغوص فى بحر افكارهم ..
وبهذا الحوار سنلتقي بشخصيه ولد بداخله الطموح عندما كان بالعراق احب التمثيل
بل وعشقه فاراد ان يثبت نفسه ناظرا للنجوم مقتنع بانه سياتي اليوم الذي سيلمسها ..
وبعد مده كبر اسمه ولمع فى مجال التمثيل سواء ببلده الام العراق او بسوريا او بالكويت او بلبنان او بمصر ..
انه الممثل ذو القامه الرفيعه شمم الحسن الذي ساحاوره اليوم لنتعرف عليه عن قرب فهيا بنا :
بالبدايه اتقدم لك بالتحيه والتقدير ونريد ان نتعرف عليك عن قرب فحدثنا عن بدايتك ؟
البدايات بصراحه كانت من المسرح المدرسي .. وانا صغير كنا بنعمل عروض مسرحيه فى المدارس فكنت بشارك فيها وانا عندي 10 او 11 سنه .. وبعد مادخلت بالعراق اكاديمية فنون جميله درست مسرح تمثيل هنا بدأت مرحلة الاحتراف بالنسبه للتمثيل المسرحي .. اما البدايات التليفزيونيه ماكنِتش فى العراق الحقيقه كانت فى سوريا لاني ماشتغالتش فى العراق غير مسرح .. 2002 سافرت سوريا كانت بدايتي فى الدرامه هناك وبعديها اشتغلت فى الدراما العراقيه .
– كيف تبدع فى زودياك دون ان اسألك عن برجك الفلكي ؟
أنا برج الاسد .
– رحلتك من العراق لمصر كانت مليئة بالاعمال والذكريات اخبرنا عن هذه الرحله ؟
موضوع رحلتي لمصر ده يحتاج حوار كامل لوحده لكن هختصره ببساطه .. انا تقريبا من سنة 2008 جاتلي كذا اشاره عن مصر وان ياشمم لازم تروح مصر وكان من اصدقاء مصريين ده لما كنت فى سوريا .. اشتغلت مع الله يرحمهم ميرنا المهندس والأستاذ احمد راتب فالاتنين وقتها قالولي لازم تيجي مصر .. بعديها قبلت بالصدفه مدام منال سلامه كان فى مهرجان وكمان نصحتني النصيحه دي وقتها .. والفنانه القديره عفاف شعيب برضوا نصحتني بكده ده على مر السنوات .. القرار حصل معايا فجأه انوا لازم انزل مصر وجيت مصر بظبط من 3سنين .. فمشكور المخرج الكبير والعظيم الاستاذ عادل اديب صديقي ومشكوره مدام منال سلامه هما ال احتضنوني هنا فى اول خطواتي من لحظة وصولي المطار .. هما ال رشحوني باول عمل وبعديها سلموني تسليم يد زي مابنقول للمنتج الفني الجميل نبيل صبحي ال رشحني فى كفر دلهاب ومنها ابتدت المسيره .. فالحمدلله كان فى ناس وقفت معايا وساندتني لغاية ماوقفت على رجليه هنا الحمدلله ..
الأعمال ال كانت فى مصر .. كانت بدايتي بظبط فى مسلسل اختيار اجباري كان 60 حلقه كنت عامل وقتها عامل شخصية ادوار حد مافيا غسيل اموال بعديها على طول دخلت كفر دلهاب كنت عامل فيه نسيم مساعد شيخ الغفر مع استاذ هادي الجيار الجميل جدا ويوسف الشريف وكل النجوم ال كانوا معايا روجينا ومحمد رياض كلهم حلويين ماشاءالله .. بعد كفردلهاب عملت فيلم سوق الجمعه كنت فيه ضيف شرف كنت عامل فيه دور حد كويتي .. وكان ليا مشاركه صغيره فى ابوعمر المصري .. بعديها عملت السهام المارقه مع الاستاذ الجميل وصديقي محمود كامل كنت عامل دور شخصية ابوبكر البغدادي خليفة داعش .. ومن السهام المارقه على طول مع محمود كامل المخرج العظيم ال بيعرف يطلع حاجات من الممثلين ماحدش طلعها قبل كده عمل زودياك وانا بصور زودياك جالي مسلسل مملكة الغجر فدي الرحله هنا فى مصر .. بس قبل مصر كان فى حاجات كتير قوي قوي بين سوريا ولبنان والعراق والاردن والكويت .
– ماالجمله التى اثرت فى حياتك على المستوى الفني والشخصي ؟
هى بصراحه كانت نصيحه من نجم عظيم عندنا فى العراق ربنا يرحموا هو الفنان الجميل عبدالخالق المختار اول بداية شغلي فى التمثيل قالي انت ياشمم انت كويس تصيحتي ليك انك ماتفضلش تشتغل فى العراق بس عشان هتفضل محصور فى حدود البلد ده ومش هتعرف تنتشر .. حاول تطلع برا حاول تنتشر اكتر لان حرام موهبتك تفضل محصوره جوه العراق بس ويشفوك الناس كلها .. فكانت اهم نصيحه بصراحه وهي ال عملت بيها .
– مااقرب عمل قمت به هو الاقرب لقلبك وماالشخصيه التى تتمنى ان تلعبها ؟
هى الفكره ان كل عمل قمت بيه عباره عن وليد ابن .. فمافيش عمل اقرب من عمل لقلبي .. لكن فى اعمال بحس اني اشتغلت فيها بطريقه مختلفه يعني كانت مساحة الشخصية من الناحيه المعنويه كان فيها مساحه واسعه من التمثيل .. ففي اعمال كانت مميزة وبصراحه .. واخيرها زودياك وتحديداً شخصية مانيسو .. مانيسو كان بنسبالي تحدي لانك بتلعب شخصيه مش موجوده فى الواقع دلوقت هى من الاف السنين فترسملها شكل وترسملها سلوك وترسملها اداء ترسملها صوت اضافه انك بتتكلم بلغه مش لغتك ولا لغه موجوده دلوقتي ف دي كان تحدي كبير .. فدي من الشخصيات ال مميزة بالنسبالي .. فى شخصيه تانيه فى مسلسل عراقي هي كان بيتكلم عن الفتره الملكيه فى العراق عن الملك فيصل التاني كنت بلعب فيه دور شريف حسين هو زوج خالة الملك برضوا كانت شخصيه مهمه بالنسبالي وكان فيها تحدي قوي لانه شخصيه عباره عن خليط فكري لانه من عيله ملكيه وهو اصلا بيشتغل فى التجاره فلازم نعمل الميكس ده بين التاجر والملك او العيله الملكيه والبروتوكولات الملكيه اضافه لانه هو كان لهجته ضايعه تماما لانه كان عايش بين مصر والعراق والسعوديه فهو كان بيتكلم اللهجات الميكس ده .. وانا فى موضوع الهجات بحب التحدي دهعشان كده شوفتوني فى مملكة الغجر عامل لبناني فى السهام المارقه عامل عراقي فى زودياك عامل مصري .. فموضوع اللهجات بحبوا قوي وبحب العبوا دايما .
اما الشخصيه ال اتمنى ان العبها .. انا نفسي اشتغل شخصية المجنون لان شخصية المجنون فيها مساحة تمثيل عاليه جدا ونفسي فى يوم من الايام يجيلي ورق بيتكلم عن شخصية مجنون واقدمها بطريقتي ال انا رسمها فى دماغي انشاءالله يارب .
المزيد من المشاركات
– كيف اثر بك الفن بالعراق وبمصر ؟
هو تأثير الفن بالنسبالي فى العراق كان القاعده بتاعتي ال انا ابتديت ابني عليها شخصيتي الفنيه عشان اولا مشاهداتي هى كانت فى العراق متابعاتي للمسرح العراقي دراستي فى العراق فهى دي القاعده الاساسيه ال انا ابتديت اسس عليها كل الشخصية الفنيه ال شايفنها دلوقت .. اما البناء ال عملتوا فيما بعد فهو خليط من مشاهدات كثيره للدراما السوريه والدراما المصريه الافلام الاجنبيه افلام هوليود افلام بولوود كمان السينما الايرانيه .. فانا بتابع كتير .. لكن الفكره هى فكرة انو التأثير ال حصل عندي هو لما احتاكيت بالاوساط الفنيه التانيه لما خرجت من الوسط العراقي ابتديت اشتغل مع السوري ثم الوسط اللبناني وكمان الوسط المصري .. ده عمل بالنسبالي ثقل شغلي وعمل شخصيه كامله لشمم الممثل وخلاني اوصل للانتم شايفينوا دلوقت .. الاختلاط ده مهم جدا فعلا يخلينا نبني شخصيه حقيقيه ليها علاقه انك تكون فى حته مختلفه .
– ماأسباب قبولك المشاركه فى كل من مسلسل زودياك ومملكة الغجر ؟ وما كواليس كلا العملين ؟
الأسباب بالنسبه لـ زودياك اعتقد لو اتعرضت الشخصيتين ال عملتهم لو اتعرضو على اي ممثل مش هيقول لا .. لان كلنا عارفين او كل المصريين عرفين انك تحدي كبير انك تعمل شخصيتين فى مسلسل واحد فده اول سبب خلاني اقتنع انو اكون فى زودياك والنقطه المهمه اني تعاملت مع الاستاذ محمود كامل وانا عارف هو بيشتغل ازاي مع الممثل وعارف كويس انوا بيدي مساحه للمثل انو يطلع ال جواه اضافه الى طريقة اشتغاله فى صناعة المشهد طريقه جميله اعتقد كل ممثل بيحبها لانه بيدي مساحه للأحساس من غير مايقطعوا تماما من اول المشهد لاخروا .. الحاجه التانيه ال استفزتني اكتر اني هلعب شخصيه فرعونيه ودي اول مره بتحصل فى الدراما فى الوطن العربي كله .. انو اول مره يعملوا شخصيه فرعونيه تتحدث اللغه الهيروغليفيه وده تحدي كان بالنسبالي مهم غير كده انوا انا مش مصري فتحدي اني العب حاجه مصريه تاريخيه ودي حاجه مهمه جدا .. اما بنسبه لمملكة الغجر فانا لعبت كذا مره شخصية مافيوزا لكن المره دي مختلفه بالنسبالي لانها ليها احتكاك مع الغجر ودي نقطه مهمه انا مالعبتهاش قبل كده غير كده هي شخصيه لبنانيه وانا بحب اللهجه اللبنانيه قوي لاني عشت هناك كتير .. بحب اللبنانيين بصراحه .. فديه الحاجات ال خالوني اكون فى المسلسلين دول .
أما الكواليس .. فبصراحه كواليس زودياك كانت جميله جداً عشان انتي بتتعملي مع مجموعة شباب حلوين قوي غير كده طريقة استاذ محمود فى التعامل مع الممثل طريقه جميله جداً حبيتها من وقت السهام المارقه قبل المشهد بيدي مساحه حلوه ان احنا نقعد نفكر فى المشهد هنشتغلو ازاي بيدي مساحه للممثل جميله يعطي رأيه بشكل جميل غير كده وبصراحه فريق الانتاج التابع لشركة فيلم كلينك أستاذ محمد حفظي والمنتج الفني الجميل ايهاب ايوب .. ايهاب صحبي برضوا من اول مانزلت مصر برضوا قبلتوا فى اول شهرين وباقينا اصحاب .. برضوا التعامل معاهم حلو قوي كنا مجموعة صحاب مع بعض جوه اللوكيشن فهتبقى الدنيا حلوه جدا .. بالنسبه لكواليس مملكة الغجر بصراحه ده اول تعامل مع المخرج الجميل عبدالعزيز حشاد واكتشفت انوا فعلا جميل جدا فى التعامل حد بسيط حد عارف هياخد ايه فى اللقطه دي حد عارف مشهدوا بيعمل ايه .. الحاجه المهمه ال كانت بنسبالي موجوده فى شخصيتي هناك ان شخصيتي ان شخصيتي دايما على تعامل شخصيتين تانيين ال هما الممثل اللبناني صالح عبدالنبي .. صالح عبدالنبي لطيف ومحترم جدا فده بيخالينا نكتسب خبره من ال قدامنا وكانت معانا برضوا ولينا شغل مع بعض كتير هى الممثله التونسيه ومقدمة البرامج التونسيه منال حمروني ده بردوا بيدينا تبادل ثقافات ازاي يتعاملوا هما مع المشهد زي تعاملهم فى اللوكيشن وازاي نحضر مشهد مع بعض فكانت كواليس بصراحه جميله جدا جدا .
– كيف اعددت نفسك لشخصيتي عدنان ومانيسو ؟
التحضير للشخصيه .. انا بنسبالي موضوع التحضير لأي شخصيه موضوع متعب جدا بياخد وقت معايا مش وقت طويل لكن بياخد مني مثلا يوم 24ساعه متواصله بفكر ازاي هعمل الشخصيه نفسها وانا بتحرك فى الشارع وانا قاعد فى البيت وممكن وانا نايم بصراحه .. دايما بقولهم ان اي شخصيه بتجيلي بعتبرها رسالة ماجستير كأنه بحث ماجستير بقدموا .. لاننا بنخلق كأن حي من مجموعة حروف مكتوبه على الورق من سيناريوا .. فتحضيري لشخصية عدنان ال هو خبير الابراج بصراحه وانا كنت محظوظ بالموضوع ده انا صديقي المقرب الاعلامي وخبير الابراج العراقي طارق السعود فهو خدامني جدا اثناء تحضير الشخصيه دي كنت بقعد معاه دايما وكان بيحكيلي دايما عن الناس المختصه بالابراج بيفكروا ازاي؟ بيتعاملوا ازاي ؟ بيبوصوا ازاي ؟ بيتصرفوا ازاي ؟ إضافه الى هذا الشئ ا ن انا اصلاً بفتره من الفترات قرأت فى علوم الطاقه وكنت بعمل يوجا كتير فكان عندي شوية معلومات عن الناس دول فرسمنا الشخصيه ال انتم شوفتوها دي .. اما مانيسو فبصراحه لحد يوم العرض الشخصيه ال هي الحلقه 13 وانا قلقان جدا لاني حضرتلوا بشكل كبير طبعا .. شخصية مانيسو لما تيجي تبحثي فى كتب التاريخ مش هتلاقي مكتوب عنها حاجه .. فأبتديت ابحث عن الكهنه بشكل عام والسحره بشكل عام فبدأت اخد من هنا حاجه ومن هنا حاجه وقاعداتي مع المخرج محمود كامل برضوا ولدت صوره كامله لحد ماوصلنا للشكل والاداء ال شوفتوه وانشاءالله يكون عجبكم .
– هل كنت تتوقع حب الجمهور والترحاب بفن شمم الحسن يوما ما ؟
حب الجمهور هو هدف كل فنان اعتقد .. يعني انا دايما بقولهم انا بتحصل عندي حالة قلق لغاية ما يتعرض العمل .. وكل ال حواليا فى العمل قالولي ياشمم شغلك حلوا فبقولهم انا مشعاملوا ليكم عشان تقولولي حلو وله لا انا عاملوا للناس هو ممكن يكون حلو بس الناس ماتحبوش ماحبتنيش .. فأنا ال بيهمني ماحبت الناس .. فكرت انا كنت اتوقع لا .. هى الفكره مش توقع .. هى الفكره انك لازم تعمل حاجه كويسه عشان يحبوك الناس .. الجمهور المصري جمهور خطر جدا اكتشافتوا من اول عمل ليا .. جمهور بيتابع بطريقه دقيقه جدا وبيعرف يميز كويس جدا الممثل بيعمل ايه هل هو ممثل كويس؟ هل هو ممثل وحش ؟ هو بيضحك على المطلقي .. فالجمهور المصري جمهور خطير قد مابحبوا أد مابخاف منوا .. اد مابحسبلوا حساب .. فيارب مايجيش اليوم ال انا اخذلهم فيه .. فالحمدلله المحبه دلوقتي محبة الجمهور بالنسبالي جميله جدا متفاجأه بكم ا.. لناس ال حوليا بيحبوني ويارب افضل معاهم بالشكل الصح ومااخذلهمش فى يوم من الايام يارب .
– ما الرسالة التى تريد أن توجهها لجمهورك ؟
اهم رساله بقولها لجمهوري اني بحبهم قوي قوي وانا من غيرهم ولاحاجه لان كل حاجه انا بعملها هى ليهم .. كل لحظة تفكير كل لحظة تعب كل لحظة سهر كل ارهاق ده عشانهم ومش مستني منهم حاجه غير المحبه ويارب نفضل مع بعض دايما كده .. ويارب اقدر اقدملهم دايما كل حاجه تسعدهم .
– ماهي تطلعاتك ؟
التطلعات كتير قوي أعتقد او انا بالنسبالي الممثل مابيقفش عند نقطه معينه .. مابيقولش انوا انا هنا خلاص انا وصلت .. مافيش حاجه اسمها وصلت طالما المهنه دي فى تحديث دائم الأداء يختلف من شخصيه لشخصيه .. الاداء بيختلف من سنه ورا سنه .. فى تحديث فى الاداء فى مدارس كتيره ظهرت فى طرق اداه مختلفه .. ده على المستوى الشخصي .. بالنسبه للطموح .. فالطموح كبير والشخصيات ال فى بالي لازم اعملها كتيره قوي .. بصراحه انا عندي حلم لازم اوصلوا انوا اوصل للسينما العالميه دي فكره فى دماغي وانشاءالله اوصلها موجوده فى الاهداف بتاعتي ويده من اهم الاهداف ال عايز احققها .
وختاما لقد تشرفت بعمل هذا الحوار الشيق واتمنى لك بمزيد التألق والاستمراريه ..
والى اللقاء اعزائي القراء مع شخصيه جيده متميزة فى مجالها
مع حبي مي اسماعيل
