حوار مدخن

= هو : من يوم ما شفتك .. وأنا قلبى ( مولع ) بحبك .     

 هى :  مش أنا قلت لك مليون مرة ابعد عنى ؟!

 هو : آه لو تخلى قلبك ( الحجر ) ده يرق ..

 هى : قلبى مش ح يرق إلا لما يجيلى ( مزاج ) .

 هو : دا أنا حالف ما حد ( يعمر ) بيتى إلا انتى .

 هى : باين عليك لحوح جداً .

 هو : قولى كمان .. دا كلامك ( معسل ) أوى .. ولا ( مبسمك ) يا روحى عليه .. وتأكدى أنى مصمم عليك وكمان أنا واد كسيب و( القرش ) بيجرى فى إيدى ..

 هى : طب ح تيجى تكلم والدى ووالدتى امتى ؟!

هو : بكره .. على ما تقولى لأهلك وتديهم خبر ويوضبوا لنا ( القعدة ) .. اتفقنا يا ( جوزة ) المستقبل ؟!