حوار مع البلوجر إيمان ميره ” تجربتي مع إيمان”
-
في البداية عرفينا بنفسك ؟
أنا إيمان مصطفى ميره ، حاليا بشتغل بلوجر ، وأنا حاصلة على بكالوريوس تجارة شعبة إدارة أعمال، ودخلت كلية التجارة مش عشان أنا بحبها ولكن بسبب ، مجموعى في الثانوية العامة زي ناس كتير.
مش هقول سني زي أي بنت ما تحبيش تقول سنها،
واشتغلت بعد التخرج محاسبة، ثم مديرة حسابات لشركة توكيلات ملاحية ، ثم قرارات بأن اترك أعمال الحسابات وأتفرغ للبلوجر اكتر لانى بحبها جدا.
-
طب مواليد محافظة ايه؟
أنا مواليد المنصورة ومقيمة في محافظة السويس.
-
من إمتي بدأتي في مجال السوشيال ميديا ؟
أيام ما كنت صغيره في السن ، كنت مهتمه بنفسي جدا واحب اهتم بشكلي ومظهري بشكل عام ، وطريقة لبسي جداَ ، ولما كنت فى المرحلة الإبتدائية ، حبيت إخترع كريمات لشعري وبشرتي .
المزيد من المشاركات
-
فاكرة كنتِ بتخترعى كريمات زى ايه؟
فاكرة طبعَا كأنى لسه كنت إمبارح ، عملت خلطة زيت مع جاز مع خل ، والمفاجأة كانت رهيييب ، ومن فرحتي بها عرفت كل اصحابي كيفية عمل الخلطة السحري للشعر، وفعلاً عجبتهم جداً.
وأكملت الحوار بــ المهم بعد مخلصت الدراسة واتجوزت وربنا رزقني بالاولاد الحمدالله ، كان عندى وقت فراغ بدأت أنمي حبي للمجال دا بكورسات ودورات ، حتى اعمل بكل احترافية وليست هواية فقط ، لذلك قرارت افتح قناة على اليوتيوب، وبالفعل بدأت منذ 5سنوات على اليوتيوب ،وبعد ذلك علي السويشال ميديا سواء الفيس بوك وإنستجرام.
وماكنتيش اتخيل ابداً إن متابعيني علي السويشال ميديا يوصل لمايقرب 2 مليون ونصف ، الفيديو الخاص بيا يحقق نسب مشاهدة الى 13مليون.
-
ممكن تكلمينا أكتر عن رد فعلك أهلك أو أسرتك علي دخولك السوشيال ميديا ؟
