حوار مع الشيف حسان كحلاوي وماهو سر لقبه نجم الليل
حوار مع الشيف حسان كحلاوي
حاورته حنين مقصود
* شيف حسان ممكن تعرفنا عن حالك اكتر?
ج1.أول شي بدي أشكر حضرتك على اهتمامك…انا أسمي حسان كحلاوي..من سوريا مقيم ببيروت
..وهلء انا..Consultant Executive chef
في كواترو غروب هي مجموعه شرق أوسطيه لبنانيه تعمل لتطوير السياحة والضيافة وتدريب العاملين في هذا القطاع .وايضا مختصر في اداره المنشآت السياحية والفنادقيه والمطاعم واقامة جميع المناسبات. هدفنا الأساسي بناء شراكه مع جميع المالكين والعاملين في قطاع الضيافه والإنتاج في كل مكان!
* كيف لرجل ان يهوى الطبخ بعيدا عن باقي المهن?
ج2..هلء جوابي على هيدا السؤال.هوي انو اليوم صرنا بوقت صار فيه الطبخ جزء من حياة كل انسان لان اساس الحياة هوي الاكل فلازم على كل شخص يكون عندو هواية الطبخ ولو انو مش عم يشتغل فيها..لان المطبخ اساس بكل بيت وكل مطعم..بالنسبة الي انا بعشق وبهوا الطبخ من انا وصغير عملتو هواية قبل ما اتخذو مصدر معيشي الي.يعني بالبيت كنت ضل حد امي وكتير مجرح ايدي انا وصغير لحتى والدي صار ينمي هالشي فيني وبس خلصت الابتدائي حطني بمعهد فندقي . لان شاف فيني انسان بحب المطبخ والطبخ.وبنفس.الوقت روح اتعلم واشتغل بمحل معجنات وملحمة من صغري.
* هل صادفت ان تبتكر طبق ويكون مذاقه غريبا ?
ج3. حمدلله صرت كتير مبتكر اطباق من ابتكاري ومقاديري صارة متخذة بأكثر من مطعم بلبنان وبشهادة اصحاب المحلات والزبائن..انا صرت كاتب اكثر من 10 منيوهات بمطاعم بلبنان فيهن لمستي الخاصة وبعدن لليوم حمدلله عم يمشو على الوصفات تبعي والقوة بالمهنة انو بكل مطعم عم استلمو في وصفات ومقادير مختلفة عن الثاني.
* ما الذي ساعدك على النجاح واثبات وجودك كشيف محترف?
ج4..باعتقادي انا مو المهم كيف نوصل للنجاح المهم نعرف كيف نحافظ على نجاحنا.وتعلمت شغلة بحياتي كتير مهمة.من شخص كتير عزيز على قلبي هوي استاذ علي طرابلسي بين قوسين (الصبروالاصرار) اساس كلشي للنجاح.ومتابعتي لعملي وتعلمي من صغير قبل كبير. والتواضع هوي الاساس بالنجاح.
* ما الصعوبات التي تواجهها في مهنتك?
ج5..صعوبات المهنة كتيرة بصراحة لانها اولا بتاخدك من الحياة الاجتماعية لا شعوريآ..وبضل همك انو يكون الاطباق مميزة وتعجب الزبون..
لان بصير همك الوحيد الابتكار والتطوير..ولكن يلي بحب هالمهنة بتعوضو عن كلشي وانا بعشق مهنتي بكل الصعوبات..
* لو وصفنا الحياة بطبق طعام .. برأيك ما الطبق الذي يحق لها?
ج6..بدي قلك شغلة…الحياة طبق انا شبهتو متعدد الطعمات.الحلو والمالح والحامض والمر .لازم كل انسان يجرب الكل وياخد الأطيب منها لحتى يوصل لهدفو المرسوم.الحياة طبق جميل لازم نعرف كيف ناكل منو..
* ما هي الاطباق التي يجب ان يبتعد عنها من يسعى لخسارة الوزن?
ج7.. الأطباق كلها مفيدة للجسم الله سبحانه وتعالى مابيخلق شي مضر كلشي في ألو إفادة بس لازم نعرف كيف وايمت ناكلها..مع مراعاة السعرات الحرارية. بإختصار.الدهون والنشويات والسكريات يعني هدول لازم نبتعد عنن اذا بدنا نخسر الوزن ونعمل حميه..
* ما هي اكثر الاطباق التي لفتت الانظار العربية عليها?
ج8..اذا بدي احكي عن مطبخنا السوري مابخلص..من كتر اطباقنا الكتيرةوالمنوعة بكل مدينة وقرية بسوريا في الها اطباق تراثية صرنا عم نرجع نحييها بطريقة حديثة. مثلا بين الحلويات يلي نشهرت بالعالم اجمع متل حلاوة الجبن والبرازي. المليحي المكدوس. يلي صار ببلاد اوربا والعالم .الكبة الحلبية .يعني مطبخنا السوري بشكل عام من المطابخ الاولى عالميا فينا نقول ومنذكر الطبيعة السورية يلي الها دور كتير كبير في انتاجنا وابتكارنا للطعام…
* لماذا لم نرى كتب باسمك لتعليم الطبخ?
ج9.. هون سيدتي رح جاوبك بثلاث كلمات..كلشي بوقتو حلو….عكلن ان شالله قريبآ رح اطلب دوراة لتعليم الطبخ
وان شالله رح اعمل نقلة نوعية بحياتي بمجال عملي.بالصبر والمتابعة.كلشي بصير.
* يقال الطبخ نفس .. كيف تشرح لنا هذه الجملة ?
ج10..هذا مثل قديم.هلء الطبخ نفس اكيد ولكن نحنا اليوم صرنا بوقت في معاهد فندقية وجامعية.عم نتعلم ونعلم منها مقادير ومكونات بالغرام عالميزان. ممكن اذا نوضعت صح رح يطلع نفس النكهة من شخص لاخر ولكن بالطبخ بشكل عام نفس صحيح يعني في مكونات بتنحط قبل مكونات بتختلف طعمة الطبق اذا ماوضعناهن بالترتيب.
* نود ان نعرف سر لقب ( نجم الليل ) حصري لجريدة اسرار المشاهير?
ج11..هلء انت رجعتيني 16سنة لورا بهيدا السؤال بصراحة هوي لقب كان يندهو الي وقت كنت اشتغل بمطعم وكان دوامي بليل ومن كتر حركتي وسرعتي صار صاحب المطعم يقلي انت نجم الليل والمطعم وحتى الزبائن المقربة يندهو بالاسم هاد. وضل في ناس لليوم هاد يلي بيعرفوني من وقتها بيندهو بالاسم.
* ماذا توجه كلمة لمتابعينك
ج12.. اول شي بتشكرك الك كتير وتاني شي بحب وجه كلمة شكر للاستاذ علي طرابلسي يلي هوي الاخ والصديق عم بكون حدي بكل شي.وبحب قول لكل شخص بتابعني وبحب حسان كحلاوي..انا بتشكرك وبتشكر دعمك الي.وانتظروني بكل شيء جديد قريبآ وبحبكن وبتمنالكن كل خير من قلبي.وشكرا.
