خالد محمود يكشف أسباب غيابه عن الفن ” مفيش إنتاج زي زمان “
متابعة / حسام الأطير
في أحدث ظهور إعلامي له بعد فترة غياب طويلة ،أعرب الفنان خالد محمود عن تأييده الكامل لأراء الإعلامية ياسمين عز وسعادته بـ نصائحها المختلفة التي تقدمها للسيدات للتعامل مع الرجال .
وأضاف” خالد محمود “خلال حلوله ضيف على برنامج كلام الناس المذاع على قناة mbc مصر.
موجها كلامه لـ ياسمين عز، فقال:
ربنا جعلك نصيرة الرجالة فـ ان شاءالله الرجالة بخير، ولو اتقدمتي لمجلس الشعب كل الرجالة هتقف وراكي إنتي مش متخيلة انت عاملة في الرجالة ايه.
البعد عن الدين
وعن سبب العلاقات المضطربة بين الزوج والزوجة، فقالت خالد محمود:
الراجل والست بقوا بعاد عن الدين عشان كدة وصلنا للي وصلناله ده المفروض الازهر يطلع كتاب لكيفية التعامل مع الزوج .
والتعامل مع الزوج ويمتحنوا فيه قبل الجواز، لازم يكون في أداب للاحترام، ودي أساس قوام اي بيت.
عودة بعد غياب طويل
وكشف الفنان خالد محمود عن سر غيابه عن الساحة الفنية، فقال: زمان كان عدد المسلسلات كانت من 50 لـ 70 مسلسل.
ومصر معروفة انها هي اللي بتصدر الدراما للعالم، وبعد الثورة قعدنا 3 سنين وأما الدنيا بدأت تتحرك دخلنا في كورونا والمنتجين قعدوا في البيت.
وتابع: احياء دراما تاني بكل معطيتها وعملية تشغيل المنتجين مهمة جدا، إحنا بقينا بننتج من 13 لـ 15 مسلسل.
ومش دي مصر ولا الدراما اللي بتصدرها مصر، ممكن يتعرض عليا عمل واحد في السنة.
أنا كان بيتعرض عليا أكثر من 13 مسلسل مكنتش بنام دلوقتي بنام اكتر ما بشتغل، الدولة لما تعي قيمة الانتاج في مصر هتبقى أغنى دولة في العالم.
والجدير بالذكر أن أخر أعمال الفنان خالد محمود مشاركته في مسلسل “نقل عام” من أخراج عادل أديب وتأليف وليد خيري.
وبطولة سميحة أيوب، سوسن بدر، دينا، ميرهان حسين، أحمد بدير، محمد محمود عبد العزيز، محسن محيي الدين ونهال سلامة
