خبز الورده بحشو الجبنة والزيتون مقدمة من مطبخ دعاء صالح
كتبت دعاء صالح
مدة التحضير ١ساعه
مدة الطهى ٣٠ دقيقة
المقادير
٣كوب دقيق مخبوزات منخول
٣ملاعق كبيره زيت
ملعقه كبيره خمير فوريه
ربع ملعقة صغيره بيكنج بودر
٢ملعقة كبيرة حليب بودره
ملعقة كبيره سكر
رشة ملح
ماء دافي للعجن
الحشو
كوب جبنه فيتا
كوب زيتون اخضر واسود اللى متوافر عندك
ربع ملعقة صغيره شطه
ربع ملعقة صغيره بابريكا
للوجه
صفار بيضه
رشة ملح
رشة فلفل اسود
جبة البركة
سمسم
طريقة التحضير
فى كوب هنخلط الخميره مع السكر ونصف كوب ما دافئ ويترك حتي يتضاعف
فى بوله يوضع الدقيق مع الزيت ورشة ملح وربع ملعقه بيكنج بودر والحليب البودره ثم يضاف اليهم كوب الخميره ويعجن لمدة ربع ساعه حتي يتجانس ويترك يخمر لمدة نصف ساعه فى مكان دافي ويفضل يوضع فى حمام ماء دافي لسرعة التخمير ثم يقطع الى كور وتترك ترتاح.
فى بوله اخرى يوضع الجبن والزيتون والشطه والبابريكا ويخلط جيدا.
هناخد معلقه صغيره من خليط الجبن ونحشي بيها كور العجين ويوضع فى صنيه مدهون زيت ونشكل الورده هنبدا بالمنتصف ثم اطراف الصنيه ولازم نسيب فراغ بين كل وحده حتي انتهاء الكميه وتترك تخمر ربع ساعه حتي يتضاعف للوجه صفار بيضه مع رشة ملح وفلفل اسود وندهن الوجه ثم يوضع السمسم وحبة البركه حجمها وتتدخل فرن لمدة نصف ساعه على درجة حراره ٢٠٠
الف هنا وشفا
رئيس قسم المطبخ أ / جيهان جعفر
