خطاب من بوسطجى

  = إلى حبيبة القلب ألطاف ( مسوجر ) .. مع أنى ( طابع ) صورتك فى خيالى و( خاتمها ) فى ( الصادر والوارد ) لكنك بتوحشينى كتير وأنا ( ساعى ) فى مقابلة والدك لأنى بحبك و( بريدك ) وقلت آجى أ( عرضحالى ) وابقى جاهز لـ( فرز ) ( الهيئة ) .. و( لعلم الوصول ) انتى عارفة أن عمرى ما عشت ( حوالة ) على حد وأعرفك أنى ( مسجل ) كل طلباتك وشروطك .. وأكمنى ( مستعجل ) وجاهز بـ ( الرد ) خلال 3 أيام لذلك ( سحبت ) فلوسى من ( الصندوق ) وعملت ( دفتر توفير ) .. وابقى ردى على ( جواباتى ) أحسن ( البوسطجية ) اشتكوا من كتر ( مراسيلى ) .. وأخيراً لك تحياتى و( نختمكم ) فى الأفراح ..  

                                                                                                      إمضاء : أبو سريع ( السريع )