خطاب من جزار

  = حبيبة ( القلب ) ( حلويات ) الساكنة بين ( الضلوع ) .. مع أنك لسه عــ( ضانى ) امبارح وأنا ( مفروم ) منك لكن المسامح كريم .. وأبلغك أنى قابلت والدك بعد أن جريت وراه ( من بار ) لقهوة .. وقابلنى بخشونة و( كلاوى ) بوزه علي ..

اكمنى متـ( لحم ) فى كتب الكتاب وقال لى ( العجلة ) من الشيطان وأدانى كلمتين فى ( عظمى ) كانوا زى ( السكاكين ) وقلت له وهو ( كذلك ) .. وقد اشتريت لك حلق ( سمين ) من الدهب ( الأحمر ) وهو أنا ( ليه ) غيرك ؟! لكى تفتخرى به وتقولى للناس شوفوا ( جملى ) جاب لى ايه .. وبإذن الله سوف ( أعلق ) الكهارب .. وأفرق ( الملبس ) و( أشفى ) غليلى من عوازلى .. وسوف يندهش الناس لسرعة زواجك ويقولوا : دى لسه ( بقرى ) فاتحتها ديك النهار .. وإذا الناس قالوالك عنى ده ( كبير ) قوليلهم وماله ( الدهن ) فى العتاقى .. ويا فلذة ( كبدي ) أنت أدرى بما بين ( الساطور ) ..

                                                                                                        إمضاء : ( أورمة ) الجزار