خطاب من فلكى

  = من الأستاذ ( نجم ) الدين الفلكى إلى الآنسة ( كواكب ) .. تمنياتى أن يكون ( حظك هذا الأسبوع ) سعيداً .. برغم أن الست والدتك قالت عنى أنى ( مذنب ) علشان غاوى ( أجرام ) .. ولما سمعت كده ( فلك ) أن تتصورى ما شعرت به .. فقد كان يومى ( زحل ) وأنا لسة ( مشترى ) الشبكة .. وكنت ( عطارد ) والدك علشان يحدد ميعاد الدخلة .. لكن دب معايا خناقة لرب ( السما ) وكنت ح اخلع و( مدار ) ما دخلك شر .. لكن علشان ليكى ( جاذبية ) فقلت يا واد خليك ( حمل ) كلامها البايخ وأهى ( مجرة ) كلمة اتقالت من ( العقرب ) الكبيرة اللى من سوء حظى أنى ( بلوتو ) بيها .. عموماً أنا منتظر تليفون منك عشان أنا لوحدى وما فيش معايا ( مريخ ) ابن يومين .. ولكى منى ألف ( زهرة ) هدية .. ومع تحياتى ..

                                                                                            إمضاء : ( نجم ) الدين الفلكى