كتبت
شاهندة أحمد
======
الست بتكره حياتها بالترتيب كدة
في الضغط
كونها ست أصلا ولها احتياجات
يالا تتعود ع التنبلة
مش مهم
تكره صاحباتها وتعمل بيات شتوي لوحدها
مش عاوزة تقابل حد
تكره جوزها وترمي طوبته
واخر حاجة فضلت عيالها
ومن كتر ماصبت اهتمام عليهم في مرحلة الضغط
حتى هم مايفرقوش
وتبقى قاعدة تتفرج على نفسها
وهي شبح
وعشان ترجع تحب الحياة لازم تحب نفسها
وترجع ست
وانثى
عشان شحن الانوثة ده ممكن يخليها مقبلة ع الحياة
وهو مين اللي حا يشعرها بانوثتها غير جوزها ؟
سؤال مهم و إستراتيجي 😂😂
فين الكلمة الحلوة طيب
فين المجهود
فين الحياة
هو إيه عيشة البهايم دي
دي كلها أسئلة بتدور في خيال ستات كتير
ومش بتقدر للأسف تعبر عنها
حاجات بتخلق منها إنسانة تعيسة
وماتقدرش تنقل لغيرها سعادة هي مفتقداها
و اقصى غضب تعمله تبحلق في السقف
وفعلا بتبقى جسد بلا روح
إللي هو ملعون ابو دي عيشة عاللي عاوز يعيش
ياريت ماحدش يوصل الست لكده
دي بداية انهيار استقرار اي بيت
ربنا يصلح الأحوال
