دبابيس كنتاكي مقدمه من الشيف ام بدر
كتبت نهي مرسي حمامه
دبابيس كنتاكى ممكن نعملها بدبابيس بس وممكن نجيب اوراك ونقطعها ونعملها برضوا والطعم تحدى 💪💪💪
الطريقة اوراك ونفصل الدبوس زى ماتحبوا ونسلقها زى مابنعملها طريقتنا العادية وبعدين بعد السلق نسلها من شوربتها وتسيبها تبرد على جنب بعد كدة حنشيل الجلد من الدبوس والاوراك ونشقهم بالسكينة وحنجيب طبق غويط ونحط علبة زبادى وعلية معلقة كبيرة توم بودرة وزعتر وبهارات فراخ وكارى وبابريكا وملح ونخلطهم ببعض ونحط الدبابيس والاوراك ونقلبهم فى الخليط ونغطيهم ونحطهم فى التلاجة ساعة بعد كدة حنحضر طبق دقيق. علية معلقتين كبار نشا وتوم بودرة وبصل بودرة وملح وبهارات فراخ ونخلطهم ببعض كلهم وحنحضر اخر طبق مية مثلجة حنجيب طاسة فيها زيت كتيرر نسخنه حنجيب الدبابيس من الخلطة نحطها فى الدقيق ثم. الماء المثلج ثم الدقيق ثم على الزيت ياخد اللون الذهبى نطلعه على ورق مناديل مطبخ والف هنا
ملحوظة انا بسلق الاوراك او الدبابيس عشان تبقى مستوية من جوة كويس سيبك اللى بيقولك متسلوقيش وتعمليها على طول نصيحة لانها بتبقى جوة لسة ناية من جوه وفيها دم دى طريقة مضمونة ١٠٠٪وتحدى 👌👌
يلا بقى تفاعلوا كل لماتتفاعلوا وتشجعونى انزل وصفات اكتر واكتر 💓💓💓
