دجاج بلدى محشى مقدم من إسلام عصفور
دجاج بلدى محشى على طريقتى
مقدم من إسلام عصفور
مده التحضير 10 دقائق
مده الطهى من 20 إلى 30 دقيقة
المكونات
2 دجاج بلدى حجم صغير
بصلة كبيره مفرومة
جزره صغيره مبشوره
حبة بطاطس صغيره مبشوره
نصف كوب رز مغسول
كمون
فلفل أسمر
معلقة صغيرة من السبع بهارات
ملح
رشه جوزه الطيب (اختيارى)
الطريقة
نغسل الدجاج بملح ودقيق وليمون كويس
وفى طاسه على النار فيها معلقة زبدة ومعلقه زيت تسخن نضيف البصل وفلفل أسمر
ونقلب ثوانى ونضيف الجزر والبطاطس المبشور ونقلب ثوانى ونضيف باقى البهارات ونقلب ونضيف الرز ونزود ميه سخنه تغطى الرز ونسويه تلتين سوا (لأن الدجاج البلدى بيستوى بسرعه)
ويبرد نحشى الدجاج من جوه وبين الوراك وتحت الجلد بس منزودش الحشو علشان متفتحش
ونحضر ورقه فويل ونفرد جواها ورقه زبدة ونحط الدجاج ونلفه بالفويل ونسلقه فى ميه بتغلى فيها بصله وحبه طماطم مقطعين وجزره وحبه بطاطس صغيرة وورق لورى وحبهان ونظبط الملح ومعلقه من السبع بهارات وبعد نصف ساعه نفتح الفويل نشوفها استوت
وندهن الدجاج بصلصه وزيت بسيط ونحمره تحت الشوايه ونحمر معاه حبه البطاطس والجزره بيبقى طعمهم جميل
الحشوة جميله جدا وممكن نضيفلها كوسا مبشوره وبسله زى ما تحبو
وبألف هنا
