دجاج تكا مع الارز تكا مقدمه من الشيف /وليد عبد الحميد

كتبت سمسمه سعد

مده التحضر ليله كامله

مده الطهى نصف ساعه

المكونات

دجاج تكا

هنتبل الدجاج ونتركها فى التتبيلة ليلة كاملة
التتبيله
1 بصله مبشورة ناعم
8 فصوص توم
معلقة جنزبيل بودرة –
ملح – فلفل اسمر – ربع معلقة سكر
معلقة ونصف كارى
معلقة ونصف كركم
معلقة زعتر
معلقتين صلصة
1 معلقه صغيره كاتشب
1 م توم بودر+1 معلقه صغيره بصل بودر
ليمونه
معلقة كبيرة خل
3 معلق زيت زيتون
علبه زبادى صغيرة
الطريقه

دجاجه مغسولة جيدا  طبعا ومقسومة نصين بالطول ومنزوع منها الجلد,ونشقها بالسكينة كذا شق ونتبلها بالمكونات السابقه بعد خلط كل المكونات جيدا مع بعضهاونغلفها ونتركها فى التلاجة لمدة ليله
وتانى يوم اشويها على الفحم او اللى معندوش شوايه يشويها على شبكه في الفرن ولما تحمر جبدا نضع فيها فحم
الارز تكا المبهر
المكونات
نصف كيلو الارز بسمتى مغسول ومنقوع ربع ساعة في الماية
نحيب اناء ونضع فيها فصين توم مفرومين ناعم مع قرن فلفل احمر حامي مقطع صغير وتشوحهم في زيت بسيط لحد ما ريحتهم تطلع ننزل معلقة كركم ومعلقة كاري ومكعب مرقة و3 فصوص حبهان وورق لورا ونقلبهم جيدا ونضع الارز ونقلبه معاهم ثم ننزل بمقدار الماية السخنة ونضع ملح ويترك يستوي
التومية

معلقه مايونيز
3فص ثوم
4 معالق طعام زيت ذره
3 نقاط عصير ليمون
نصف معلقه ملح
3 معالق طعام نشا (كورن فلاور)
ثلاث ارباع كوب ماء
الطريقه
يذاب النشا في الماء ويوضع على نار خفيفه ويغلي 3 دقايق فقط لحدل لما يتماسك شويه زي المهلبيه وهيصبح لونه شفاف ارفعيه من على النار واتركيه يبرد ثم نضع الثوم المهروس والملح والمايونيزفي الخلاط مع عصير الليمون والنشا المطبوخ ونخفقه واثناء الخفق نضيف الزيت على هيئة سرسوب لحد لما تحصلي على الثوميه ولونها بيتحول لابيض ناصعة وقوامها كريمي نسيبها في الثلاجه شوية قبل التقديم علشان الطعم يظهر

رئيس قسم المطبخ أ سمسمه سعد

واسماء عزازي