دجاج محشي مقدم من اسلام عصفور
دجاج محشى
مقدم من إسلام عصفور
مده التحضير 10دقايق
مده الطهى على حسب حجم الدجاج
المكونات
دجاجه مغسوله بملح وليمون ودقيق جيدا
بصله كبيره مفرومه
حبه بطاطس صغيره مبشوره
حبه جزر صغيره مبشوره
ملعقه كبيره زبده أو سمنه
ربع كوب أرز مغسول
كمون
فلفل أسمر
كمون
ملعقه صغيره من السبع بهارات
الطريقه
فى طاسه على النار نضع الزبده ونضيف البصل ونقلب لما يبتدى يدبل نضيف البطاطس المبشوره والجزر ونقلب دقيقه ونضيف الأرز والبهارات ونقلب ونضيف ماء يدوب يغطى الأرز
ولما يشرب ميته نطفى عليه نصف سوا ويبرد نحشى الدجاج من جوه وبين الوراك وتحت الجلد (بس الحشو ميكنش كتير من جوه علشان الحشو يستوى جيدا)
ونسلق الدجاج فى ماء مغلى وورق لورى وحبهان وكمون وفلفل أسمر وملعقه صغيره بهارات وبصله مقطعه وواحده طماطم مقطعه وتغلى 15 دقيقه على نار عاليه ونوطى عليها لما تستوى
وندهنها زيت بسيط ونرش كمون وفلفل أسمر ونحمرها تحت الشوايه من جميع الجهات
الحشو طعمه جميل جدا وبيدى الدجاج طعم جميل فعلا
وبألف هنا
ملحوظه ((يمكن إضافه أى خضار للحشو))
رئيس قسم المطبخ أ / جيهان جعفر
