دجاج مشوى على الزوجاجه مقدمه من اسلام عصفور
كتبت سمسمه سعد
مده التحضير ليله كامله أو ساعتين قبل الشوى
مده الطهى من ساعه لساعه ونصف أو على حسب حجم الدجاج
المكونات
2 دجاجه وزن الدجاجه كيلو
التتبيله
2 بصله كبيره
2 فص ثوم
2 ملعقه كبيره صلصه
ملعقه كبيره روز مارى
حبه طماطم كبيره
ملعقه صغيره من (كمون / فلفل أسمر / ملح / كسبره ناشفه / بهارات / توم بودره / بصل بودره )
الطريقه
نضرب مكونات التتبيله فى الخلاط أو الكبه ونتبل بيها الدجاج من جوه وبين الوراك وتحت الجلد جيدا قوى ونتركها من بالليل أو قبل الشوى بساعتين ونحضر زجاجة البيبسى (زجاج ) ونضع تلتين الزجاجه ماء وشويه من التتبيله ونضع الزجاجه فى صينيه فيها كوبايتين ماء ساخن ونضع الدجاجة بالتتبيله فوق الزجاجه وندخل الصينيه الفرن من تحت على نار عاليه ونتابعها كل فتره نلف الدجاج ولو الماء نشفت نزود شويه لما الدجاج تستوى هى مش بتحتاج الشوايه الفرن من تحت بس وهتتحمر من حراره الفرن بتاخد من ساعه لساعه ونص أو على حسب حجم الدجاج ونختبرها بخله نشوفها استوت ريحه الدجاج وهى فى الفرن فظيعه والسر فى التتبيله جميله جدا فى الطعم والريحه وكمان مستويه ولحمها طرى وجميل جدا
ولو موجود حامل نضع عليه الدجاج عادى وكمان ممكن نصع خضار فى الصينيه بدل الماء وشويه من التتبيله وكوب ماء
وبألف هنا
رئيس قسم المطبخ أ / جيهان جعفر
