دعاء خميس تدخل مرحلة تتويج ملكة جمال الحجاب لسنة 2021
دعاء خميس تدخل مرحلة تتويج ملكة جمال الحجاب لسنة 2021
حوار خاص مع البلوجر دعاء خميس بقلم/ شيماء أحمد متولي
البلوجر ” دعاء خميس” وهي شابة رقيقة اسكندرية من حبها فى الموضة والفاشون دخلت عالم الأزياء بعد تخرجها من الجامعة لتصبح بلوجر فاشون،
و يتابعها الآلاف عبر صفحتها الإنستجرام، ودعاء دخلت قلوب الناس ببساطتها وهى تدخل مرحلة تتويج كملكة جمال الحجاب في مهرجان حجابي لسنة 2021، بترشيح من رئيس المهرجان الدكتورة/ مي المرغنى.
* في البداية ممكن تعرفينا بنفسك؟
الإسم دعاء خميس ، والسن ما في بنوته بتقول سنها حتى لو صغيرة زي ، وحاصلة على ليسانس اداب جامعة الإسكندرية ، وحاصلة على دورات تدريبية في مجال تصميم الأزياء، ودورة تدريبية فى برمجة چاڤا من الإكاديمية العربية للعلوم والتكنولوجية ومازلت فيها.
* حاليا بتعملي ايه؟
عاملت كموظفة في إدارة الموارد البشرية في الشركة الأوروبية لمدة شهر، واشتغلت مصممة أزياء محجبات لمدة ٣ سنوات ، وكان عندي البراند الخاص بِا وكان بإسم Doaa khamess Designs
المزيد من المشاركات
* من امتي بدأتي في مجال السوشيال ميديا ؟
دخلت السوشيال ميديا من اولي جامعة، وكنت أحب البس واتصور واشارك الصور علي صفحات الخاصة بالحجاب والمحجبات ، وعلي صفحتي ومن هنا بدأ الحساب الخاص بِا الموجود على السوشيال ميديا الإنستجرام يكبر بالمتابعين ليا إلى أكتر من ١٥٠ الف متابع وكلهم بنات.
* من خلال مجالك بتفيدي البنات بإيه؟
بفيد البنات والآنسات فى كل حاجة وما هو مفيد ، لأننا فى الأول وقبل اى شيء اننا كلنا أصدقاء وبنتعامل على هذا الأساس ، يعنى مش مجرد شخص عادي وراء الشاشة لا طبعًا ، هما بيسألوني في كل حاجه غير اني بقدمها بشكل راقي ومميز ، زى تنسيق الملابس وايه يتلبس مع ايه مع تناسق الألوان، وكيفية إستخدام الميكب كمان ، وبيسألونى في مواقف خاصة بحياتهم وبحاول ارد بكل موضوعية.
* إيه نوعية الفيديو التى بتقدمِها للبنات؟
بقدم فيديوهات كيفية استخدام الميكب والطريقة الصحيحة للإستخدام، وفيديو خاص بتعديل الصور ، وفيديو صباحيات، و فيديو ستايلنج.
* ماهو رد فعل عائلتك على دخولك في مجال السوشيال ميديا؟
رد فعل اهلي كان عادي، لأنهم بيثقوا فيا وعارفين كويس أنا بعمل ايه،ومافى أى مشكله لمشاركة صوري على السوشيال ميديا ، ما دام شغلى والفيديو بيكون شيء مفيد للبنات وطبعًا فى إطار محترم.
التعليقات مغلقة.