دعوة للحب والسلام بقلم الشاعر الغنائى د. سعيد فاروق عثمان
دعوة للحب والسلام
بقلم الشاعر الغنائى د. سعيد فاروق عثمان
ممكن لحظة
ممكن لحظة ياريت تسمعنى
لا تضللني ولا تخدعني
ولا تقولى كلام يوجعنى
ممكن لحظة ياريت تسمعنى
عايز قلب كبير يفهمنى ؟!
عايز أقول لك كن أنسان
خليك صادق كلة أيمان
خلى شعارك خير وسلام
وازرع حب في كل مكان
أزرع حب تحصد حب
تزرع شوك تحصد احزان
وأنا عن نفسي ما أحبش أشوف
طفل حزين في عيونة الخوف
يلا معيا نزرع ورد
ونسعد قلب حزين مجروح
يلا معيا نولع شمع
ونجبر خاطر حزين مزبوح
يلا معيا نشد الهمة
بكلمة جميلة ترد الروح
لازم نحب حقيقى بجد
نزرع حب ونحصد ورد
نسعد قلب ونصون الود
نقدم خير ولا نظلم حد
لو فكرت تكون أنسان
لا زم تعطف على الغلبان
وتزرع حب فى كل مكان
مش هيكون للشر مكان
احنا حقيقى فى زمن الفتنة
مش عايزنها تدخل بيتنا
و لا تقرب من ناحيتن ؟!
ونعيش ونخلى الدنيا سلام
سلام في سلام والخير هيبان
غصن زيتون وبرج حمام
بدون قنابل ولا الغام
كفاية ظلم فى كل مكان
اسعد قلب أمسح احزان
وازرع ورد في كل مكان
خلى الدنيا تعيش فى سلام
خلى الدنيا تعيش في امان..
