دمعة فراق.. بقلم/ غرام نعيم.
دمعة فراق لمعت في عيني
جددت فيا الحنين
سمعت جوايا أنين
أنين لقلبي اللي ساكت من سنين
قلت يمكن لسه فاكر
لما كنا مغرمين
أو يجوز مش عاجبه
حالي لما مرت السنين
طب ياقلبي ليه
تبات وتكون حزين
دية دمعه بس واحده
ونزلت خلاص
ومابقيتش فارقة
مسحت الماضي الحزين
ويا جراح السنين
وليه بقى اسمع أنين
أو تكون من المجروحين
غني تاني جدد لنا معاك الأماني
بس أوعى تبقى تاني يوم من المغرمين
