دونات مقدم من الشيف Soma Esmat

كتبت مايسه

المقادير
٢ كوب صغير دقيق و بيضة و ربع كوب ماء وربع كوب لبن سخن ومعلقة صغيرة خميرة فورية و ٣ معالق صغيرة سكر و رشة ملح و ٢ معلقة كبيرة زبدة طرية ونص معلقة صغيرة ڤانيليا و شيكولاتة للزينة ..

الطريقة :
نضع الماء علي اللبن مع الخميرة ونتركهم و نضع في العجانة البيض والفانيليا و نخفقهم و بعدين نضيف اللبن بالماء بالخميرة و نضربهم كويس و بعدين نضيف كوب ونص دقيق و نضربهم مع بعض وهنضيف السكر والملح والزبدة ونص كوب الدقيق اخر حاجة ونكمل ضرب مدة ٣ دقايق هنلاقي العجينة بقت طرية جدااا ومش بتلزق في الايد نسيبها في مكان دافي مدة ساعة الا ربع هنلاحظ انها ارتفعت جدا هنلمها ونكورها بالايد ونفردها علي دقيق ونقطعها دواير مخرومة من النص بغطا ازازة و مهم جدا نفردها سميكة علشان تطلع عالية و بعد مانقطعها نغطيها بورق بلاستيك لمدة نص ساعة هنلاحظ انها ارتفعت ناخدها بحرص ونضعها في زيت دافي علي نار متوسطة لمدة ثواني علي الجانبين لحد ما نحصل علي اللون الدهبي و نسيبها تبرد ونغطسها في الشيكولاتة و نزينها حسب الرغبة وبالهنا والشفا ..